(ශානුක අරවින්ද)
ශ්‍රී ලංකා පාසල් බැඞ්මින්ටන් සංගමය සංවිධානය කරන 51 වැනි ජාතික කනිෂ්ඨ බැඞ්මින්ටන් ශූරතාවලිය අනිද්දා (27 වැනිදා) සිට දෙසැම්බර් මස 2 වැනිදා දක්වා ගල්කිස්ස සාන්ත තෝමස් විදුහල්, කොළඹ ඩී.එස්. සේනානායක විදුහල් සහ කොළඹ වෙළෙඳ සේවා ගෘහස්ත බැඞ්මින්ටන් ක්‍රීඩාංගණවලදී පැවැත්වේ.
ක්‍රීඩක ක්‍රීඩිකාවන් 1400 ක් පමණ සහභාගි වන මෙම තරගාවලියේදී වයස අවුරුදු 13 න් පහළ, 15 න් පහළ, 17 න් පහළ සහ 19 න් පහළ යන වයස් කාණ්ඩ සඳහා කේවල සහ යුගල තරග පැවැත්වෙනු ඇත. අවුරුදු 11 න් පහළ වයස් කාණ්ඩය සඳහා කේවල තරග පමණක් පැවැත්වීමට නියමිතය.
සෑම වයස් කාණ්ඩයකම ජයග්‍රාහක ජයග්‍රාහිකාවන් සඳහා සහතිකපත්වලට අමතරව මුදල් ත්‍යාග පිරිනැමීමට සංවිධායන් කටයුතු යොදා ඇත. තරගාවලියේ අනුග්‍රාහකයන් ලෙස ලින්ග්මි, පෙරේරා සහ පුත්‍රයෝ ආයතන කටයුතු කරයි.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
