කොළඹ බැඞ්මින්ටන් ක්‍රීඩාංගණ තුනකදී ඊයේ (25) ආරම්භ වූ ‘සිලෝන් මාස්ටර්ස්’ බැඞ්මින්ටන් ශූරතාවලියේ ශූරතාව හඹා යෑම සඳහා රටවල් 11 ක ක්‍රීඩක ක්‍රීඩිකාවන් 536 දෙනෙක් එක්ව සිටිති.
වෙළෙඳසේවා බැඞ්මින්ටන් ක්‍රීඩාංගණය, ශ්‍රී ලංකා බැඞ්මින්ටන් මූලස්ථාන ක්‍රීඩාංගණය සහ ඔටර්ස් බැඞ්මින්ටන් ක්‍රීඩාංගණයේදී දින 4 ක් පුරා පැවැත්වෙන මෙම ජාත්‍යන්තර තරගාවලියට ඔස්ටේ්‍රලියාව, කැනඩාව, චීනය, ඉන්දියාව, ඉන්දුනීසියාව, එක්සත් අරාබි එමීර් රාජ්‍යය, නෝර්වේ, මැලේසියාව, ඇමෙරිකාව සහ සත්කාරක ශ්‍රී ලංකාව නියෝජනය කරමින් ක්‍රීඩක ක්‍රීඩිකාවෝ සහභාගි වෙති.
වෙළෙඳ සේවා බැඞ්මින්ටන් ක්‍රීඩාංගණයේදී ඊයේ පැවැති සමාරම්භක උත්සවයේ ප්‍රධාන ආරාධිතයා ලෙස ශ්‍රී ලංකාවේ හිටපු ක්‍රිකට් ක්‍රීඩක අරවින්ද ද සිල්වා මහතා සහභාගි විය.
සිලෝන් මාස්ටර්ස් බැඞ්මින්ටන් සභාපති රොහාන් ද සිල්වා මහතාගේ මූලිකත්වයෙන් සහ විධායක කමිටු සාමාජිකයන්ගෙන් සමන්විත සංවිධායක කමිටුව මෙම තරගාවලිය සාර්ථක ලෙස පැවැත්වීමට කටයුතු කරමින් සිටියි.
-036
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
