ශ්‍රී ලංකා කී‍්‍රඩක කී‍්‍රඩිකාවෝ 7 ක් මූලික වටයට

කොළඹ සුගතදාස ගෘහස්ථ කී‍්‍රඩාංගණයේදී අද (2 වැනිදා) ආරම්භ වූ යොනෙක්ස් සන්රයිස් ජාත්‍යන්තර ශ්‍රේණිගත කිරීමේ (4 වැනි කාණ්ඩයේ) බැඞ්මින්ටන් තරගාවලියේ සුදුසුකම් ලබාගැනීමේ වටයේ තරග වලින් ජය ලැබූ නිම්මික තිසර, දිලූක කරුණාරත්න, ලේඛා ෂෙහානි, අචිනි රත්නසිරි සහ කාවින්දිකා බිනුරි යන ශ්‍රී ලංකා කී‍්‍රඩක කී‍්‍රඩිකාවෝ එහි මූලික වටයේ තරග වලට සහභාගී වීමේ අවස්ථාව උදාකරගත්හ.

ඔවුන්ට අමතරව සචින් ඩයස් සහ  ඕෂදී කුරුප්පුද නිතරග ජය ලබමින් තරගාවලියේ මූලික වටයට සුදුසුකම් ලබාගත්හ.

නිලූක කරුණාරත්න සහ දිනූක කරුණාරත්න තරගාවලිය ආරම්භ වීමටත් පෙර සිටම මූලික වටයට සුදුසුකම් ලබා සිටි බැවින් ඔවුන් දෙදෙනාද සමග මේ වන විට ශ්‍රී ලංකාව නියෝජනය කරමින් මූලික වටයට සුදුසුකම් ලබා සිටින මුඵ කී‍්‍රඩක කී‍්‍රඩිකාවන් ගණන 9 කි.

සුදුසුකම් ලබාගැනීමේ වටයේ තරග වලදී ශ්‍රී ලංකා කී‍්‍රඩක ඔසද ද සිල්වා තරග වට 2-1 ලෙස පරාජය කරමින් නිම්මික තිසර මූලික වටයට සුදුසුකම් ලබාගත් අතර දිලූක කරුණාරත්න මූලික වටයට සුදුසුකම් ලබාගත්තේද තියුණු තරගයකින් අනතුරුව තරග වට 2-1 ලෙස ශ්‍රී ලංකා කී‍්‍රඩක ඉමේෂ් හසරංග පරාජය කරමිනි.

තරග වට 2-1 ක් ලෙස තායිලන්ත කී‍්‍රඩිකා ටසමන් සංග්කවටන පරාජය කරමින් අචිනි රත්නසිරි මූලික වටයට සුදුසුකම් ලබාගත් අතර තරග වට 2-1 ක් ලෙස තවත් තායිලන්ත කී‍්‍රඩිකාවක් වූ කුන්ජිරා කෝන්ඩි පරාජය කරමින් ලේඛා ෂෙහානි මූලික වටයට සුදුසුකම් ලබාගත්තාය.    

ඉකුත් වසරේ පැවැති ජාතික බැඞ්මින්ටන් තරගාවලියේ ශූරිය බවට පත්වූ තිළිණි හෙන්දහේවා මෙම තරගාවලියේ සුදුසුකම් ලබාගැනීමේ වටයෙන්ම ඉවතට විසිවීම මෙහිදී කැපීපෙන සිදුවීමක් විය.

ඉන්දියාවේ නේහා පණ්ඩිත් සහ තිළිණ අතර පැවැති තරගය ආරම්භයේ සිටම ඉතා උණුසුම් මුහුණුවරක් ගත්තේය. පළමු වටය ලකුණු 23-21 ලෙස ජයගැනීමට තිළිණි සමත් වුවත් ඉතිරි වට දෙක 21-18 සහ 21-7 ලෙස පරාජයට පත්වීම නිසා ඇයට තරගාවලියේ මූලික වටයට සුදුසුකම් ලබාගැනීමේ බලාපොරොත්තු අත්හැර දැමීමට සිදුවිය.

ශ‍්‍රී ලංකා කී‍්‍රඩකයන් සහභාගී වූ පිරිමි කේවල සුදුසුකම් ලබාගැනීමේ වටයේ තරග වල ප‍්‍රතිඵල

• නිම්මික තිසර (ශ්‍රී ලංකාව) විසින් තරග වට 2-1 ක් ලෙස ඔසද ද සිල්වා (ශ්‍රී ලංකාව) පරාජය කරන ලදි. (19/21, 21/5, 21/14)
• පාර්තුල් ජෝෂි (ඉන්දියාව) විසින් තරග වට 2-0 ක් ලෙස රොෂාන් පද්මකුමාර (ශ්‍රී ලංකාව) පරාජය කරන ලදි. (21/10, 21/10)
• චලෙම්පොන් චරොයෙන්කිටමෝර්න් (තායිලන්තය) විසින් තරග වට 2-0 ක් ලෙස මධූෂ ද සිල්වා (ශ්‍රී ලංකාව) පරාජය කරන ලදි. (21/13, 21/17)
• අභිමන්‍යු සිං (ඉන්දියාව) විසින් තරග වට 2-0 ක් ලෙස මහේන් අංජන (ශ්‍රී ලංකාව) පරාජය කරන ලදි. (21/16, 21/10)
• එන්සි ශෆීරා (ඉන්දුනීසියාව) තරග වට 2-0 ක් ලෙස ළහිරු වීරසිංහ (ශ්‍රී ලංකාව) පරාජය කරන ලදි. (21/12, 21/12)
• ශසාන් ශා (මැලේසියාව) තරග වට 2-0 ක් ලෙස රිද්ම ද සිල්වා (ශ්‍රී ලංකාව) පරාජය කරන ලදි. (21/7, 21/9) සචින් ඩයස්ට නිතරග ජයක් හිමිවිය.
• ශයිහුල් ඉස්ලාම් (ඉන්දුනීසියාව) තරග වට 2-0 ක් ලෙස නදිත් ද සිල්වා (ශ්‍රී ලංකාව) පරාජය කරන ලදි. (21/10, 21/11)
• ආදිත්‍ය ජෝෂි (ඉන්දියාව) විසින් තරග වට 2-0 ක් ලෙස රන්තුෂ්ක සසිඳු (ශ්‍රී ලංකාව) පරාජය කරන ලදි. (21/15, 21/13)
• දිලූක කරුණාරත්න (ශ්‍රී ලංකාව) විසින් තරග වට 2-1 ක් ලෙස ඉමේෂ් හසරංග (ශ්‍රී ලංකාව) පරාජය කරන ලදි. (21/17, 18/21, 21/15) 
• කෞෂාල් ධර්මේමර් (ඉන්දියාව) විසින් තරග වට 2-0 ක් ලෙස දිලිණ ගුණතිලක (ශ්‍රී ලංකාව) පරාජය කරන ලදි. (21/9, 21/15)
• කිටිපොන්ග් ඉම්නාර්ක් (තායිලන්තය) විසින් තරග වට 2-0 ක් ලෙස ශාමික හසරංග (ශ්‍රී ලංකාව) පරාජය කරන ලදි. (21/9, 21/15)
• ආර්. සතීෂ්තරන් (මැලේසියාව) විසින් තරග වට 2-0 ක් ලෙස රාජිත මනිමේල්වඩු (ශ්‍රී ලංකාව) පරාජය කරන ලදි. (21/9, 21/8)

ශ්‍රී ලංකා කී‍්‍රඩිකාවන් සහභාගී වූ කාන්තා කේවල සුදුසුකම් ලබාගැනීමේ වටයේ තරග වල ප‍්‍රතිඵල

• කාවින්දිකා බිනුරි (ශ්‍රී ලංකාව) විසින් තරග වට 2-0 ක් ලෙස අසිනි ගලගමගේ (ශ්‍රී ලංකාව)පරාජය කරන ලදි. (21/10, 21/16)
• සයාලි ගෝඛාලේ (ඉන්දියාව) හමුවේ ඔෂදී කුරුප්පුට (ශ්‍රී ලංකා) නිතරග ජයක් හිමිවිය.
• අචිනි රත්නසිරි (ශ්‍රී ලංකාව) විසින් තරග වට 2-1 ක් ලෙස ටසමන් සංග්කවටන (තායිලන්තය) පරාජය කරන ලදි. (21/18, 17/21, 21/17)තමොල්වන් පූප‍්‍රඩුබ්සිල් (තායිලන්තය) විසින් තරග වට 2-0 ක් ලෙස රේනු චන්ද්‍රකා (ශ්‍රී ලංකාව) පරාජය කරන ලදි. (21/13, 21/10)
• නේහා පණ්ඩිත් (ඉන්දියාව) විසින් තරග වට 2-1 ක් ලෙස තිළිණි හෙන්දහේවා (ශ්‍රී ලංකාව) පරාජය කරන ලදි. (21/23, 21/18, 21/7)
• ලේඛා ෂෙහානි (ශ්‍රී ලංකාව) විසින් තරග වට 2-1 ක් ලෙස කුන්ජිරා කෝන්ඩි (තායිලන්තය) පරාජය කරන ලදි. (11/21, 21/17, 21/19)
• රසිකා රාජි (ඉන්දියාව) විසින් තරග වට 2-0 ක් ලෙස සිතාරා ජනිතාංජලී (ශ්‍රී ලංකාව) පරාජය කරන ලදි. (21/12, 21/11)

ඡායාරුප - ලහිරු හර්ෂණ