(රජන්ත බමුණුකොටුව)
ශ්‍රී ලංකා පාසල් ක්‍රිකට් සංගමය විසින් ශ්‍රී ලංකා ක්‍රිකට් ආයතනයේ අනුග්‍රහය ඇතිව සංවිධානය කරනු ලබන වයස අවුරුදු 15න් පහළ අන්තර් පාසල් III වැනි කොටසේ ක්‍රිකට් තරගාවලියේ අර්ධ අවසන් පූර්ව වටයේ තරග අද (20) ඇරඹේ. අර්ධ අවසන් පූර්ව වටයේ තරග ආරම්භ කරමින් ඉපලෝගම ගන්තිරියාගම මහින්ද මහා විද්‍යාලය සහ ගන්නෝරුව රණබිම රාජකීය විද්‍යාලය අතර තරගය මින්නේරිය ගනර්ස් ක්‍රීඩාංගණයේදී අද පැවැත්වේ.
පල්ලේගම මධ්‍ය මහා විද්‍යාලය පරදවමින් ඉපලෝගම ගන්තිරියාගම මහින්ද මහා විද්‍යාල පිල අර්ධ අවසන් පූර්ව වටයට සුදුසුකම් ලබාගත්තේය. ගන්නෝරුව රණබිම රාජකීය විද්‍යාල පිල මෙම වටයට සුදුසුකම් ලබාගත්තේ නිකවැරටිය මහසෙන් ජාතික පාසල පරදවමිනි.
ඉපලෝගම ගන්තිරියාගම මහින්ද මහා විද්‍යාල පිල මනුජ පසන් විසින් මෙහෙයවනු ලබන අතර, ගන්නෝරුව රණබිම රාජකීය විද්‍යාල පිල දිනෙත් ගම්ලත් විසින් මෙහෙයවනු ලබයි.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
