තර්ස්ටන් විද්‍යාලය අර්ධ අවසන් පූර්ව වටයට

අන්තර් පාසල් වයස 19 න් පහළ ‘සිංගර් කුසලාන’ එක්දින ක්‍රිකට් තරගාවලියේ පළමු කොටසේ අර්ධ අවසන් පූර්ව වටය සඳහා සුදුසුකම් ලබාගැනීමට කොළඹ තර්ස්ටන් විද්‍යාලය අද (26 වැනිදා) සමත්විය.

කොළඹ තර්ස්ටන් විද්‍යාලීය ක්‍රීඩාංගණයේදී පැවැති පෙර අර්ධ අවසන් පූර්ව වටයේ තරගයකදී මාතර සාන්ත සර්වේශස් විද්‍යාලයට එරෙහිව කඩුලු 6 ක ජයක් ලබාගැනීමට තර්ස්ටන් විද්‍යාලය සමත්විය. 

බිමර රණතුංග සහ අයේෂ් හර්ෂණ කඩුලු 3 බැගින් දවාගනිමින් සා. සර්වේශස් විද්‍යාලය අඩු ලකුණු සංඛ්‍යාවකට සීමාකිරීමට සමත්වූ අතර යොහාන් ලියනගේ සහ ජයවිහාන් මහවිතාන ලකුණු 46 බැගින් රැස්කරමින් තර්ස්ටන් විද්‍යාලය ජයග්‍රහණය කරා රැගෙන යාමට සමත්වූහ.

සා. සර්වේශස් විද්‍යාලය - ඕවර 44 කදී සියලුදෙනා දැවී ලකුණු 173
(රිසිර ලක්වින් 52, පසිඳු මනුප්‍රිය 29, නවීන් ශෂිත් 28, ගිහාන් කළිඳු 20, බිමර රණතුංග 28/3, අයේෂ් හර්ෂණ 36/3)

තර්ස්ටන් විද්‍යාලය - ඕවර 31.4 කදී කඩුලු 4 ක් දැවී ලකුණු 178
(යොහාන් ලියනගේ 46, ජයවිහාන් මහවිතාන 46, නිමේෂ් පෙරේරා නොදැවී 27, රනේෂ් සිල්වා නොදැවී 24, කේසර නුවන්ත 40/3)