දකුණු අප්‍රිකාව සහ ඇෆ්ගනිස්තානය අතර තිරුවන්තපුරම්හි අද (29 වැනිදා) පැවැත්වීමට නියමිතව තිබූ ලෝක කුසලාන පෙරහුරු තරගය එකම පන්දුවක් හෝ යැවීමකින් තොරව අතහැර දමන ලදි. දිගින් දිගටම පැවැති වර්ෂාව හේතුවෙන් තරගය අතහැර දැමීමට අනිල් චෞද්රි සහ රොහාන් පණ්ඩිත් යන විනිසුරුවරු තීරණය කළහ.
මේ අනුව ලබන සතියේදී ආරම්භ වීමට නියමිත ලෝක කුසලාන තරගාවලියට පෙර මෙම කණ්ඩායම් දෙකටම ඉතිරිව ඇත්තේ පෙරහුරු තරගයක් බැගින් පමණි.
පවුලේ හේතූන් මත දකුණු අප්‍රිකානු නායක ටෙම්බා බවුමාට ආපසු සියරට බලා යාමට සිදුවී තිබේ. කෙසේ වෙතත් සඳුදා නවසීලන්තයට එරෙහිව පැවැත්වෙන දකුණු අප්‍රිකානුවන්ගේ අවසන් පෙරහුරු තරගයට පෙර තිරුවානන්තපුරම් හි කාලගුණය යහපත් වනු ඇතැයි අපේක්ෂා කෙරේ.
ඔක්තෝබර් 7 වැනිදා දිල්ලි නුවරදී ශ්‍රී ලංකාවට එරෙහිව පැවැත්වෙන දකුණු අප්‍රිකාවේ ආරම්භක තරගය සඳහා බවුමා නැවතත් සංචිතයට එක්වනු ඇතැයි අපේක්ෂා කෙරේ.
ඇෆ්ගනිස්තානය සහ ශ්‍රී ලංකාව අතර අනෙක් පෙරහුරු තරගය ලබන අඟහරුවාදා (3 වැනිදා) ගුවහාටිහිදී පැවැත්වෙයි.
ඇෆ්ඝනිස්ථානයේ පළමු වැනි ලෝක කුසලාන තරගය බංගලාදේශයට එරෙහිව ඔක්තෝම්බර් 7 වෙනිදා ධර්මශාලාහිදී පැවැත්වෙයි.
- 213
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
