ශ්‍රී ලංකා ක්‍රිකට් ආයතනය සංවිධානය කරන වයස 19 න් පහළ අන්තර් දිස්ත්‍රික් ක්‍රිකට් තරගාවලියේ වව්නියා දිස්ත්‍රික්කයට එරෙහිව ඊයේ (21 වැනිදා) අනුරාධපුරයේදී පැවැති තරගයෙන් ලකුණු 80 ක ජයක් වාර්තා කිරීමට කිලිනොච්චි දිස්ත්‍රික්කය සමත් විය.
ජයග්‍රහණය සඳහා ලකුණු 216 ක ඉලක්කයක් හඹාගිය වව්නියා දිස්ත්‍රික්කයට ඕවර 47 ක් අවසානයේ සියලු දෙනා දැවී ලබාගත හැකි වූයේ ලකුණු 135 ක් පමණි. එස්. සුලක්ෂන් ලකුණු 26 කට කඩුලු 4 ක්ද, ටී. අබිරාජ් ලකුණු 36 කට කඩුලු 3 ක්ද බිඳහෙළමින් වව්නියා ඉනිම සුනුවිසුණු කර දැමූහ.
පළමුවෙන් පන්දුවට පහරදුන් කිලිනොච්චි දිස්ත්‍රික්කය ඕවර 50 අවසානයේ කඩුලු 8 ක් දැවී ලකුණු 215 ක් ලබාගත් අතර එහිදී පන්දු 92 කට මුහුණදුන් ඒ. දෙනුරාජ් නොදැවී ලකුණු 100 ක් රැස්කළේ හයේ පහරක් සහ හතරේ පහර 9 ක් සමගිනි.
කිලිනොච්චි දිස්ත්‍රික්කය - ඕවර 50 කදී කඩුලු 8 ක් දැවී 215
(කේ. රොබින්සන් 29, ඒ. දෙනුරාජ් නොදැවී 100, කිෂාන්ත් 26/2, වී. විතුෂාන් 33/2, එස්. තනෝජන් 37/2)
වව්නියා දිස්ත්‍රික්කය - ඕවර 47 කදී සියලු දෙනා දැවී 135
(එස්. වින්ස්ලන් 21, කේ. කිරුෂිකන් 54, එස්. සුලක්ෂන් 26/4, ටී. අබිරාජ් 36/3)
-036
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
