පන්දු යවන්නෝ අයි.සී.බී.ටී. පිලට ජය ගෙනෙති

රෙඞ්බුල් ආයතනය සංවිධානය කරන විශ්ව විද්‍යාල ක්‍රිකට් ලෝක ශූරතා තරගාවලියට සුදුසුකම් ලබාගැනීම සඳහා පැවැත්වෙන පිළුමලුන් පිටුදැකීමේ තරගාවලියේ අද (21 වැනිදා) පැවැති තරගයකදී ඇමෙරිකානු අධ්‍යාපන ආයතන පිලට එරෙහිව කඩුලු 9 ක ජයක් හිමිකර ගැනීමට ව්‍යාපාර සහ තාක්‍ෂණ ජාත්‍යන්තර පාසල් කණ්ඩායම (අයි.සී.බී.ටී.) සමත්විය. මෙම තරගය බී.ආර්.සී. ක්‍රීඩාංගණයේදී පැවැත්විණි.

ලසිත් ඇඹුල්දෙණිය කඩුලු 3 ක්ද මහීෂ් තීක්‍ෂණ සහ විශාද් රංදික් කඩුලු 2 බැගින් දවාගනිමින් ව්‍යාපාර සහ තාක්‍ෂණ ජාත්‍යන්තර පාසල් කණ්ඩායම ජයග්‍රහණය කරා රැගෙන ගියේය.

ඇමෙරිකානු අධ්‍යාපන ආයතනය - සියලුදෙනා දැවී ලකුණු 20
(ලසිත් ඇඹුල්දෙණිය 08/3, මහීෂ් තීක්‍ෂණ 03/2, විශාද් රංදික් 04/2)

අයි.සී.බී.ටී. - ඕවර 2.5 කදී කඩුල්ලක් දැවී ලකුණු 23