මතීෂ කළුතර සිරිකුරුසට ජය ගෙනෙයි

‘සිංගර් කුසලාන’ වයස 17 න් පහළ ක්‍රිකට් තරගාවලියේ I කොටසේ තරගයකදී කොළඹ කේරී විදුහලට එරෙහිව කඩුල්ලක තියුණු ජයක් හිමිකර ගැනීමට කළුතර සිරිකුරුස විදුහල සමත්විය. මෙම තරගය කළුතර සිරිකුරුස විදුහල් ක්‍රීඩාංගණයේදී පැවැත්විණි.

මතීෂ ශමාල් ලකුණු 08 කට කඩුලු 6 ක් දවාගනිමින් කොළඹ කේරී විදුහල ලකුණු 211 කට සීමාකිරීමට සමත්විය.

දිමේෂ් සැමුවෙල (79) අර්ධ ශතකයක් සහ ලකුණු 44 කට කඩුලු 4 ක් දවාගනිමින් තුන් ඉරියව් දස්කම් දැක්වුවද තරගයේ ජයග්‍රහණයට එය ප්‍රමාණවත් නොවීය.

තරග ආරම්භය ප්‍රමාදවූ හෙයින් තරගය දෙපිලටම ඕවර 40 කට සීමාවිය.

කේරී විදුහල - ඕවර 34.1 කදී සියලුදෙනා දැවී 211
(දිමේෂ් සැමුවෙල් 79, මොදිත සිල්වා 41, අබ්දුල් ශාකූර් 38, මතීෂ ශමාල් 08/6)

සිරිකුරුස විදුහල - ඕවර 39.1 කදී කඩුලු 9 ක් දැවී 215
(දිල්හාර නානායක්කාර නොදැවී 31, අමිඳු ශමින්ද 28, දිමේෂ් සැමුවෙල් 44/4)