(රජන්ත බමුණුකොටුව)
ශ්‍රී ලංකා පාසල් ක්‍රිකට් සංගමය විසින් ශ්‍රී ලංකා ක්‍රිකට් අනුග්‍රහය ඇතිව සංවිධානය කරනු ලබන වයස අවුරුදු 19න් පහළ පළමු කොටසේ ‘බී‘ තලයේ අන්තර් පාසල් ක්‍රිකට් තරගාවලියේ දෙවැනි අවසන් පූර්ව තරගය අද (19 වැනිදා) සූරියවැව මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගණයේදී ඇරඹේ. ගාල්ල මහින්ද විද්‍යාලය සහ මාතර ශාන්ත තෝමස් විද්‍යාලය අතර පැවැත්වෙන මෙම අවසන් පූර්ව තරගය තුන්දින තරගයකි.
කණ්ඩායම් 18 ක් ශූරතාව දිනා ගැනීමට තරග වැදුණු මෙම තරගාවලියේ පළමු වටයේදී තම ‘බී’ කාණ්ඩයේ ලකුණු සටහනේ පෙරමුණ ගනිමින් මාතර ශාන්ත තෝමස් විද්‍යාලය අර්ධ අවසන් පූර්ව වටයට සුදුසුකම් ලබාගත්තේය. එහිදී රත්ගම දේවපතිරාජ විද්‍යාලයට එරෙහිව පළමු ඉනිමේ ජයක් ලබමින් මාතර ශාන්ත තෝමස් විද්‍යාලය අවසන් පූර්ව වටයට සුදුසුකම් ලැබීය.
පළමු වටයේදී ‘බී’ කාණ්ඩයේ ප්‍රසාද ලකුණු සටහනේ තෙවැනි ස්ථානයට පත් ගාල්ල මහින්ද විද්‍යාලය අර්ධ අවසන් පූර්ව වටයට සුදුසුකම් ලැබීය. එහිදී පානදුර ශ්‍රී සුමංගල විද්‍යාලයට එරෙහිව පළමු ඉනිමේ ජයක් ලබමින් ගාල්ල මහින්ද විද්‍යාලය අවසන් පූර්ව වටයට සුදුසුකම් ලබාගත්තේය.
එකම කාණ්ඩයට අයත්ව සිටි බැවින්, පළමු වටයේදී මෙම කණ්ඩායම් අතර පැවැති තරගය වර්ෂාව හේතුවෙන් ජය පැරදුමෙන් තොරව අවසන් විය.
ගාල්ල මහින්ද විද්‍යාලයීය සංචිතය :
කවීන් රුක්ෂාන් (නායක), අරෝෂ උදයංග (උප නායක), සෙනුක දංගමුව, දුල්සිත් දර්ශන, සදෙව් නෙත්මිණ, සහන්ජිත් සමාදිත්, රන්දුල මාබරණ, විනුප නෙත්මිර, විශ්මිත සත්සර, දිනෙත් පැහැසර, සෙහස් අශිංස, කවීෂ ගිත්මල්, තියෝන් හේලික, සජීව් තල්ගස්දූව, තෙවිඳු රශ්මික, මානිත රාජපක්ෂ, නිම්න තීක්ෂණ, රසංජය උබේසේකර, රුවින්ද දේශාංජන, නිහිඳු සේසිත, තිනුග රාජපක්ෂ, සෙනුජ වෙහාන්, ගෙසඳු බිසස් සහ මන්දිත් මනෝදර
වයි.නිශාන්ත කුමාර (ක්‍රිකට් භාර ආචාර්ය), අජන්ත කුමාර (ප්‍රධාන පුහුණුකරු), සචිත් ලක්මාල් (සහාය පුහුණුකරු)
මාතර ශාන්ත තෝමස් විද්‍යාල සංචිතය :
පෙසඳු සංජාන් (නායක), ලෝෂිත දික්සිත් (උප නායක), ඔචින්ත චාමික, සෙනුර අබේසේකර, අබ්දුල් මාජිඩ්, මනුග යෝනාල්, කුමේෂ් නුවාංජන, තත්සර දෙව්මිත්, ශෂිඳු මෙත්පහන්, විහඟ සංකලන, පුනාල් පමුදිත, යොමිරු සස්වින්, දිනුර පවංජි, තත්සර විමුක්ති, දිනර ඉද්දමල්ගොඩ, ආර්.ආර්. පරණවිතානගේ, සසිරු නිසංසල, සෙතුජ මන්දිනු, වින්දිල මින්සිත සහ සෙනිත් සුලක්ෂණ
අසංග ද සිල්වා (ක්‍රිකට් භාර ආචාර්ය), දිනූෂ ජයසංක (ප්‍රධාන පුහුණුකරු), යසිත් දේශ්වාන් (සහාය පුහුණුකරු), ප්‍රවීන් මධුෂාන් (සහාය පුහුණුකරු)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
