එක්දින අන්තර්ජාතික ක්‍රිකට් ක්‍රීඩාව සඳහා වන ලෝක කුසලානය හෙට (14 වැනිදා) සිට ශ්‍රී ලංකාවේදී ප්‍රදර්ශනය කෙරේ. ක්‍රිකට් ක්‍රීඩාවේ නියුතු රටවල් 20 කට පමණ ගෙන යාමෙන් පසුව ලෝක කුසලානය ශ්‍රී ලංකාවට ගෙනැවිත් තිබේ.
ශ්‍රී ලංකාවේ ප්‍රධාන ව්‍යාපාරික මධ්‍යස්ථානයක් වන ලෝක වෙළෙඳ මධ්‍යස්ථානයේදී හෙට පෙරවරු 9.00 සිට පස්වරු 2.00 දක්වා ප්‍රදර්ශනය කෙරෙන ලෝක කුසලානය, පස්වරු 3.00 සිට රාත්‍රී 8.00 දක්වා වන් ගෝල් ෆේස්හිදී ප්‍රදර්ශනය කෙරේ.
සැප්තැම්බර් 15 වැනිදා, ශ්‍රී ලංකා එක්දින කණ්ඩායමේ නායක දසුන් ශානක ද සමගින් ලෝක කුසලානයේ ඡායාරූප ගැනීමේ අවස්ථාවක් සකස් කර තිබේ.
ශ්‍රී ලංකාවේ ප්‍රදර්ශනයෙන් පසුව ලෝක කුසලානය ඉන්දියාවට ගෙනයනු ඇත. 2023 ලෝක කුසලාන තරගාවලිය ඔක්තෝබර් මස 05 වැනිදා අහමදාබාද්හිදී ආරම්භ වේ.
- 213
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
