(ශානුක අරවින්ද)
මරදාන ශාන්ත ජෝෂප් විද්‍යාලය සහ බම්බලපිටිය ශාන්ත පීතර විද්‍යාලය අතර අද (14 වැනිදා) සහ හෙට (15 වැනිදා) කොළඹ, පී. සරවනමුත්තු ක්‍රීඩාංගණයේදී පැවැත්වීමට නියමිතව තිබූ ශාන්තුවරයන්ගේ සටනේ 88 වැනි අදියර දින නියමයකින් තොරව කල් දමා තිබේ.
ඊයේ (13 වැනිදා) රාත්‍රියේ සිට කොළඹ දිස්ත්‍රික්කයට පනවා ඇති ඇදිරි නීතිය හේතුවෙන් මෙම තරගය කල් දැමීමට සිදුව ඇති අතර තරගය පැවැත්වෙන නව දින වකවානු පසුව දැනුම් දෙනු ඇතැයි සංවිධායකයෝ පවසති.
‘මෝරිස් ජේ.ලෙගෝ පියතුමන් අනුස්මරණ කුසලානය’ වෙනුවෙන් පැවැත්වෙන එම තරගය මේ වන විට රට තුළ උද්ගත වී ති‍බෙන පීඩාකාරී තත්ත්වය හේතුවෙන් ප්‍රේක්ෂක සහභාගීත්වයකින් තොරව පැවැත්වීමට තීරණය කර තිබිණ.
මෙවර තරගයේදී ශාන්ත ජෝෂප් කණ්ඩායම මෙහෙයවීමේ වගකීම තුන් ඉරියව් ක්‍රීඩක ෂෙවෝන් ඩැනියෙල්ට පැවැරී තිබුණ අතර ශාන්ත පීතර කණ්ඩායම තුන් ඉරියව් ක්‍රීඩක වනුජ කුමාරගේ නායකත්වය යටතේ තරග බිමට පිවිසීමට නියමිතව තිබිණ.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
