සපුගස්කන්ද මහ විදුහලට ඉනිමක ජයක්

‘සිංගර් කුසළාන’ වයස 13 න් පහළ ක්‍රිකට් තරගාවලියේ III කොටසේ තරගයකදී නිට්ටඹුව සංඝබෝධී මහ විදුහලට එරෙහිව ඉනිමක සහ ලකුණු 47 ක ජයක් ලබා ගැනීමට සපුගස්කන්ද මහ විදුහල සමත්විය. මෙම තරගය නිට්ටඹුව සංඝබෝධී මහ විදුහල් ක්‍රීඩාංගණයේදී පසුගියදා අවසන්විය.

පළමු ඉනිමේදී නිට්ටඹුව සංඝබෝධී මහ විදුහලේ ජී. ප්‍රේමරත්න ලකුණු 57 කට කඩුලු 5 ක් දවාගත් අතර සපුගස්කන්ද මහ විදුහලේ පසිදු දිනෙත් ලකුණු 8 කට කඩුලු 5 ක් දවාගනිමින් පන්දුවෙන් දස්කම් පෑවේය.

සපුගස්කන්ද මහ විදුහලේ මෙනුර නිලුපුල් (41) පිත්තෙන් මෙන්ම පන්දුවෙන්ද දස්කම් දක්වමින් දෙවන ඉනිමේදී ලකුණු 3 කට කඩුලු 5 ක් දවාගත් අතර ඒ. චාවිදු ලකුණු 0 කට කඩුලු 3 ක් දවාගනිමින් නිට්ටඹුව සංඝබෝධී මහ විදුහල ලකුණු 30 කට සීමා කිරීමට සමත්විය.

සපුගස්කන්ද මහ විදුහල - පළමු ඉනිම - සියලුදෙනා දැවී  127
(මෙනුර නිලුපුල් 41, මිතුරංග මදුෂාන් 20, ජී. ප්‍රේමරත්න 57/5, එස්. රණතුංග 23/2)

සංඝබෝධී මහ විදුහල - පළමු ඉනිම - සියලුදෙනා දැවී 50
(එච්. රංදීප 13, පසිදු දිනෙත් 08/5, තිසුක දිනුජය 09/2)

සංඝබෝධී මහ විදුහල - දෙවන ඉනිම - සියලුදෙනා දැවී 30
(එච්. රංදීප 10, මෙනුර නිලුපුල් 03/5, ඒ. චාවිදු 00/3)