(ශානුක අරවින්ද)
පාසල් ක‍්‍රිකට් සංගමය සංවිධානය කරන වයස 19 න් පහළ අන්තර් පාසල් ක‍්‍රිකට් තරගාවලියේ III වැනි කොටසේ ‘ඒ’ කාණ්ඩයේ අවසන් පූර්ව තරග හෙට (27 වැනිදා) සහ අනිද්දා (28 වැනිදා) කොළඹ නාලන්දා විදුහල් කී‍්‍රඩාංගණයේදී පැවැත්වේ.
හෙට පැවැත්වෙන අවසන් පූර්ව තරගයේදී යාපනය මැදි විදුහලට එරෙහිව හංවැල්ල රාජසිංහ මැදි විදුහල තරග වදින අතර අනිද්දා පැවැත්වෙන අවසන් පූර්ව තරගයේදී මොරටුව මෙතෝදිස්ත උසස් පාසලට එරෙහිව ගාල්ල විද්‍යාලෝක විදුහල තරග වැදීමට නියමිතය.
අර්ධ අවසන් පූර්ව වටයේදී වත්තල ශාන්ත ජෝෂප් විදුහලට එරෙහිව කඩුලූ 10 ක ජයක් වාර්තා කරමින් යාපනය මැදි විදුහලත්, මතුගම ශාන්ත මරියා විදුහලට එරෙහිව ලකුණු 6 ක ජයක් වාර්තා කරමින් රාජසිංහ මැදි විදුහලත් අවසන් පූර්ව වටයට පිවිසියහ.
මතුගම සී.ඩබ්.ඩබ්. කන්නංගර මැදි විදුහලට එරෙහිව අර්ධ අවසන් පූර්ව වටයේදී ලකුණු 8 ක ජයක් ලබමින් මෙතෝදිස්ත උසස් පාසල අවසන් පූර්ව වටයට පිවිසියේය. ගාල්ල විද්‍යාලෝක විදුහල අවසන් පූර්ව වටයට සුදුසුකම් ලබාගත්තේ අර්ධ අවසන් පූර්ව වටයේ ඉබ්බාගමුව මැදි විදුහල එරෙහිව පැවැති තරගයේදී ලබාගත් දල ලකුණු වේගය අනුවය.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
