බංග්ලාදේශ කණ්ඩායමේ තරුණ ක්‍රීඩකයකු වන වමත් පිතිකරු අෆිෆ් හොසේන් යාපනය කිංග්ස් කණ්ඩායම සමගින් ගිවිසුම්ගත වී තිබේ. යාපනය පිලේ විදේශීය ක්‍රීඩකයා වන ටොම් කොලර් කැඩ්මෝගේ ශාරීරික යෝග්‍යතාව ඉදිරි තරග සඳහා ප්‍රමාණවත් නොවන හෙයින් වෙනත් විදේශීය ක්‍රීඩකයකු කණ්ඩායමට එක්කර ගැනීමට යාපනය කිංග්ස් කණ්ඩායම තීරණය කළේය.
සිය මංගල විස්සයි-20 තරගයේදීම, කඩුලු 5 ක් දවාගත් ළාබාලතම ක්‍රීඩකයා වන්නේ අෆිෆ් හොසේන්ය. වසර 2016 බංග්ලාදේශ ප්‍රිමියර් ලීග් තරගාවලියේදී රාජ්ශාහි කිංග්ස් පිල වෙනුවෙන් ක්‍රීඩා කළ අෆිෆ්, චිතගොන් වයිකින්ස් පිලේ කඩුලු 5 ක් ලකුණු 21 කට දවාගත්තේය. ඔහුගේ දවාගැනීම් අතර ක්‍රිස් ගේල් ද සිටියේය.
වසර 2018 දී ශ්‍රී ලංකා කණ්ඩායමට එරෙහිව අෆිෆ් සිය මංගල අන්තර්ජාතික තරගයට සහභාගි විය. යාපනය කිංග්ස් කණ්ඩායම කොළඹදී සහභාගි වන පළමු තරගයේ සිටම අෆිෆ් හොසේන් කණ්ඩායමට එකතු වනු ඇත.
- 213
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
