(දමින්ද විජේසූරිය)
ඇෆ්ඝනිස්ථානය සහ නවසීලන්තය අතර අද (26 වැනිදා) මෙල්බර්න් ක්‍රිකට් ක්‍රීඩාංගණයේදී පැවැති ලෝක කුසලාන තරගය වර්ෂාව නිසා අතහැර දැමීමට සිදුවිය. තරගය ඕස්ටේ්‍රලියාවේ වේලාවෙන් පස්වරු 7.00 ට ආරම්භ වීමට නියමිතව තිබුණද, දිගින් දිගටම පැවැති වර්ෂාව හේතුවෙන් රාත්‍රී 9.25 වන තුරුත් තරගය ආරම්භ කළ නොහැකි විය.
පසුව තරගය සම්පූර්ණයෙන්ම අතහැර දමන ලදි. තරගය සඳහා වන ප්‍රසාද ලකුණු 1 ක බැගින් දෙපිලටම හිමිවිය.
දෙපිලටම ඕවර 5 ක තරගයක් පැවැත්වීමට නම් අඩුම වශයෙන් රාත්‍රී 10.10 ට වත් තරගය ආරම්භ කළ යුතුව තිබිණ. එහෙත් 9.20 ට පමණ ක්‍රීඩාංගණය පරීක්‍ෂා කළ විනිසුරුවරුන් වන කුමාර් ධර්මසේන සහ පෝල් විල්සන් දෙදෙනාගෙත්, තරග තීරක රන්ජන් මඩුගල්ල මහතාගේත් නිගමනය වූයේ තරගය අත්හැර දැමීම විනා වෙනත් විකල්පයක් නැති බවයි.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
