ඉරුෂ්ක තිමිරගේ උත්සහය අපතේ යයි

‘සිංගර් කුසළාන’ වයස 13 න් පහළ ක්‍රිකට් තරගාවලියේ I කොටසේ දෙවැනි වටයේ රත්ගම දේවපතිරාජ විදුහල සහ ගාල්ල මහින්ද විදුහල අතර පැවැති තරගය විසඳුමකින් තොරව රත්ගම මහජන ක්‍රීඩාංගණයේදී ඊයේ (27 වැනිදා) අවසන් විය.

රත්ගම දේවපතිරාජ විදුහලේ පවන් සංදේශ් ශතකයක් (105) ලබාගනිමින් පිත්තෙන් දස්කම් දැක්වූ අතර ඉරුෂ්ක තිමිර ලකුණු 15 කට කඩුලු 6 ක් දවාගනිමින් පන්දුවෙන් දස්කම් දැක්වූයේය.

මහින්ද විදුහලේ අවසන් කඩුල්ල දවාගැනීමට පෙර දිනය නිමාවීම හේතුවෙන් රත්ගම දේවපතිරාජ විදුහලට ලැබීමට තිබූ පළමු ඉනිමේ ජය අහිමිවී ගියේය.

දේවපතිරාජ විදුහල - පළමු ඉනිම - ඕවර 54 කදී කඩුලු 6 ක් දැවී ලකුණු 275
(පවන් සංදේශ් 105, දිමෝජ් කුමාර 59, සහන් තරූෂ නොදැවී 42, ජීවක ශශීන් 27, දිලුක් අසනාත 85/3, උදා ඉමේෂ් 52/2)

මහින්ද විදුහල - පළමු ඉනිම - ඕවර 41 කදී කඩුලු 9 ක් දැවී ලකුණු 93
(ධනුජ ඉඳුවර 25, චේලක සඳරුවන් 15, ඉරුෂ්ක තිමිර 15/6, ජීවක ශශීන් 17/2)