තරග 5 කින් සමන්විත එක්දින තරගාවලියක් සඳහා එංගලන්ත යොවුන් කණ්ඩායම මේ මාසයේදී ශ්රී ලංකාවේ සංචාරය කිරීමට නියමිතව ඇත.
මේ මස 22 වැනිදා ශ්රී ලංකාවට පැමිණෙන එංගලන්ත යොවුන් කණ්ඩායම 30 වැනිදා සිට දෙසැම්බර් 10 වැනිදා දක්වා එස්.එස්.සී ක‍්‍රීඩාංගණයේදී ශ්රී ලංකා යොවුන් කණ්ඩායමට එරෙහිව එක්දින තරග 5 කට සහභාගීවනු ඇත.
”අපි බංග්ලාදේශයට එරෙහිව 5-0 ක පූර්ණ තරගාවලි ජයග‍්‍රහණයක් වාර්තා කළා. එය අපට අපගේ කණ්ඩායම තක්සේරු කිරීමට අවස්ථාවක් ලබා දුන්නා” යැයි ශ්රී ලංකා යොවුන් කණ්ඩායමේ ප‍්‍රධාන පුහුණුකරු අවිශ්ක ගුණවර්ධන මහතා පවසයි.
”ලබන වසරේ පැවැත්වෙන යොවුන් ලෝක කුසලාන තරගාවලියට ළං වනවිට කණ්ඩායමක් ලෙස ස්ථාවර වී සිටීමට සහ උච්චතම අවස්ථාවට සූදානම් වීමටත්, කණ්ඩායමේ දුර්වල ස්ථාන පිළිබඳව සැලකිලිමත් වෙමින් ඒවා සකසා ගැනීමටත් එංගලන්ත තරගාවලිය යොදා ගන්නවා” යයිද අවිශ්ක ගුණවර්ධන මහතා වැඩිදුරටත් පැවසීය.
- 2079
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
