එක්දින තරගයේ ජය මහින්දයට

ගාල්ල රිච්මන්ඞ් විදුහල සහ මහින්ද විදුහල අතර ’ආදරවන්තයන්ගේ සටන’ මහ ක්‍රිකට් තරගයට සහගාමීව ගාල්ල ජත්‍යන්තර ක්‍රීඩාංගණයේදී අද (23 වැනිදා) පැවැති වාර්ෂික එක්දින ක්‍රිකට් තරගයෙන් කඩුලු 3 ක ජයක් අත්කර ගැනීමට මහින්ද විදුහල සමත් විය.

ජයග්‍රහණය සඳහා ලකුණු 171 ක ඉලක්කයක් හඹාගිය මහින්ද විදුහල් ක්‍රීඩකයෝ ඕවර 44.2 ක් අවසානයේ කඩුලු 7 ක් දැවී එම ඉලක්කය සපුරාගත්හ. එහිදී නවෝද් පරණවිතාන, කෞෂිත කොඩිතුවක්ක සහ හංසික වැලිහිඳ ලකුණු 35 බැගින් රැස්කරමින් සිය කණ්ඩායම ජයග්‍රහණය කරා ගෙන ගියහ.

පළමුවෙන් පන්දුවට පරදුන් රිච්මන්ඞ් විදුහලට ඕවර 50 අවසානයේ කඩුලු 7 ක් දැවී රැස්කරගත හැකිවූයේ ලකුණු 170 ක් පමණි. එහිදී දිලුක් සඳරුවන් නොදැවී ලකුණු 45 ක්ද, දිමුත් රත්නායක නොදැවී ලකුණු 35 ක්ද ලබා රිච්මන්ඞ් ඉනිම නිමාවන තෙක්ම කඩුල්ලේ රැදී සිටියහ.

රිච්මන්ඞ් විදුහල - ඕවර 50 කදී කඩුලු 7 ක් දැවී 170
(දිලුක් සඳරුවන් නොදැවී 45, දිමුත් රත්නායක නොදැවී 35, කුෂාන් මදූෂ 32/2)

මහින්ද විදුහල - ඕවර 44.2 කදී කඩුලු 7 ක් දැවී 171
(නවෝද් පරණවිතාන 35, කෞෂිත කොඩිතුවක්කු 35, හංසික වැලිහිඳ 35, නිපුන් මාලිංග 21, දිලුම් සුධීර 19/3, දිමුත් සඳරුවන් 26/2)

-036