Last Update  :  2025-04-02 12:40:00 About Contact
Follow Us -
IMG-LOGO
නිවස්න පිටුව Cricket එල්.පී.එල් පිටියට යන්න පේ‍්‍රක්‍ෂකයන්ට අවසර

එල්.පී.එල් පිටියට යන්න පේ‍්‍රක්‍ෂකයන්ට අවසර

editorial - 2021 නොවැ මස 23 {{hitsCtrl.values.hits}} Views 0 Comment
A A A

2021 ශ‍්‍රී ලංකා ප‍්‍රිමියර් ලීග් තරගාවලිය නැරඹීමට සීමිත පේ‍්‍රක්ෂකයින් පිරිසකට අවසර දීමට සෞඛ්‍ය අංශ තීරණය කර ඇති බව ක‍්‍රීඩා අමාත්‍ය නාමල් රාජපක්ෂ මහතා සිය ට්විටර් ගිණුමේ සටහනකින් සදහන් කළේය. ඒ අනුව දැඩි කොන්දේසි සහ සෞඛ්‍ය මාර්ගෝපදේශ වලට යටත්ව පේ‍්‍රක්ෂකයින්ට තරගය නැරඹීමට අවස්ථාව ලබාදීමට සෞඛ්‍ය බලධාරීන් තීරණය කර තිබේ.

මේ සම්බන්ධයෙන් ක‍්‍රීඩා අමාත්‍යංශය ලබාදුන් මාර්ගෝපදේශ සළකා බැලීමෙන් පසුව මෙම තීරණය ගත් බව ක‍්‍රීඩා අමාත්‍ය නාමල් රාජපක්ෂ මහතා සිය ට්විටර් ගිණුමේ සටහන් කර තිබේ.

”පේ‍්‍රක්ෂකයින් නොමැතිව ක‍්‍රිකට් ක‍්‍රීඩාවක් නෑ. මාත් දැඩි කි‍්‍රකට් ලෝලියෙක්. කී‍්‍රඩා හා යෞවන කටයුතු අමාත්‍යංශයේ දැඩි නීතිරීති සහ රෙගුලාසි යටතේ එල්.පී.එල්. තරගාලියේදී සීමිත පිරිසකට තරග නැරඹීමේ අවස්ථාව ලබාදීමට සෞඛ්‍ය අමාත්‍යංශය අවසර දීම සම්බන්ධයෙන් මා සතුටට පත්වන අතරම ඒ සම්බන්ධයෙන් ස්තුතිවන්ත වෙනවා” යයි කී‍්‍රඩා ඇමතිවරයා සිය ට්විටර් ගිණුමේ සටහනක් තබා තිබිණ.

ලංකා ප‍්‍රිමියර් ලීග් තරගාවලිය දෙසැම්බර් මස 05 වැනිදා කොළඹ ආර් පේ‍්‍රමදාස ඡාත්‍යන්තර ක‍්‍රිකට් ක‍්‍රීඩාංගණයේ දී ආරම්භ වීමට නියමිතය. සමාරම්භක තරගය ගාල්ල සහ යාපනය කණ්ඩායම් අතර එදින පස්වරු 7.30 ට ආරම්භ වේ.

තරගාවලියේ අවසන් මහා තරගය දෙසැම්බර් 23 වැනිදා හම්බන්තොට මහින්ද රාජපක්ෂ ක‍්‍රිකට් ක‍්‍රීඩාංගණයේ පැවැත්වීමට නියමිතය.

- 8535

 


අදහස් (0)

එල්.පී.එල් පිටියට යන්න පේ‍්‍රක්‍ෂකයන්ට අවසර

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.