කරුණාරත්න බෞද්ධ පාසලට මුල් ඉනිමේ ජයක්

අන්තර් පාසල් වයස 15 න් පහළ ‘සිංගර් කුසලාන’ ක්‍රිකට් තරගාවලියේ සියඹලාපේ යෝක් ජාත්‍යන්තර පාසල සහ රාගම කරුණාරත්න බෞද්ධ පාසල අතර උදම්මිට කුලසිංහ ක්‍රීඩාංගණයේදී පැවැති III කොටසේ තරගයේදී පළමු ඉනිමේ ජයක් වාර්තා කිරීමට කරුණාරත්න බෞද්ධ පාසල සමත් විය.

එහිදී දක්ෂ පිතිහරඹයක නිරත වූ කරුණාරත්න බෞද්ධ පාසලේ ඩිලාන් මලින්ත (151) ශතකයක් ලබාගත් අතර එම විදුහලේම ලසිඳු කවිෂ්ක ලකුණු 41 කට කඩුලු 4 ක් දවාගනිමින් පන්දුවෙන් දස්කම් දැක්වීය.

යෝක් ජාත්‍යන්තර පාසල - ඕවර 54.3 කදී සියලු දෙනා දැවී 165
(මතීෂ කොස්තා 60, දහම් දිල්ෂාන් 40, ලසිඳු කවිෂ්ක 41/4, ගීෂාන් වෙනුමික 37/2)

කරුණාරත්න බෞද්ධ පාසල - ඕවර 47 කදී කඩුලු 9 ක් දැවී 370  
(ඩිලාන් මලින්ත 151, ලසිඳු කවිෂ්ක 75, රුවින් සංකල්ප 21, රුවිඳු හේෂාන් 20, සුස්මිත දික්කුඹුර 54/4)

- 036