(ශානුක අරවින්ද)
එක්දින තරග 2 කින් සහ විස්සයි-20 තරග 2 කින් සමන්විත තරග සංචාරයකට සහභාගි වීම සඳහා ශ්‍රී ලංකා කාන්තා ක්‍රිකට් කණ්ඩායම මෙම මස 22 වැනිදා නවසීලන්තය බලා පිටත්ව යෑමට නියමිතය. මෙම තරගාවලියට පෙරහුරු තරග 2 ක්ද ඇතුළත් වේ.
මෙම මස 27 වැනිදා සහ 28 වැනිදා ලින්කොල්න්හිදී පෙරහුරු තරග දෙකට සහභාගි වන ශ්‍රී ලංකා කාන්තා කණ්ඩායම, මාර්තු මස 4 වැනිදා නේපියර්හිදී පළමු එක්දින තරගයට ක්‍රීඩා කිරීමට නියමිතය. දෙවැනි සහ තෙවැනි එක්දින තරග පිළිවෙළින් 7 වැනිදා සහ 9 වැනිදා නෙල්සන්හිදී පැවැත්වේ.
විස්සයි-20 තරගාවලියේ පළමු තරග දෙක 14 වැනිදා සහ 16 වැනිදා ක්‍රයිස්ට්චර්ච්හිදී පැවැත්වෙන අතර අවසන් තරගය 18 වැනිදා ඩුනෙඩින්හිදී පැවැත්වීමට කටයුතු යොදා තිබේ. මෙම තරග සංචාරය සඳහා සහභාගිවන ශ්‍රී ලංකා කාන්තා සංචිතය තවමත් නම් කර නොමැත.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
