කාවින්ද - විහඟ ධර්මපාලයට ජය ගෙනෙති

‘සිංගර් කුසලාන’ වයස 17 න් පහළ ක්‍රිකට් තරගාවලියේ I කොටසේ තරගයකදී දෙහිවල එස්.ද.එස්. ජයසිංහ මධ්‍ය මහා විද්‍යාලයට එරෙහිව කඩුලු 9 ක ජයක් හිමිකර ගැනීමට පන්නිපිටිය ධර්මපාල විදුහල ඊයේ (18 වැනිදා) සමත්විය. මෙම තරගය එස්.ද.එස්. ජයසිංහ මධ්‍ය මහා විද්‍යාලයීය ක්‍රීඩාංගණයේදී පැවැත්විණි.

කාවින්ද නිශාන් සහ විහඟ ගුණරත්න කඩුලු 4 බැගින් දවාගනිමින් එස්.ද.එස්. ජයසිංහ මධ්‍ය මහා විද්‍යාලය අඩු ලකුණු සංඛ්‍යාවකට සීමාකරමින් පන්නිපිටිය ධර්මපාල විදුහලට ජයග්‍රහණය හිමිකර දීමට සමත්වූහ.

එස්.ද.එස්. ජයසිංහ විදුහල - ඕවර 34 කදී සියලුදෙනා දැවී 109
(රවිඳු උදයංග 35, චමිඳු සිල්වා 35, කාවින්ද නිශාන් 32/4, විහඟ ගුණරත්න 35/4)

ධර්මපාල විදුහල - ඕවර 17.3 කදී කඩුල්ලක් දැවී 112
(හස්තික උදයනාත් නොදැවී 41, නවීන් මදුශංක 33)