කැළණිය ගුරුකුලට කඩුලු 3 ක ජයක්

‘සිංගර් කුසලාන’ වයස 17 න් පහළ ක්‍රිකට් තරගාවලියේ I කොටසේ තරගයකදී ගාල්ල ශාන්ත ඇලවීෂියස්  විදුහලට එරෙහිව කඩුලු 3 ක ජයක් හිමිකර ගැනීමට කැළණිය ගුරුකුල විදුහල ඊයේ (28 වැනිදා) සමත්විය. මෙම තරගය මහර බන්ධනාගාර ක්‍රීඩාංගණයේදී පැවැත්විණි.

කැළණිය ගුරුකුල විදුහලේ රශ්මික මෙවන් (52) අර්ධ ශතකයක් රැස්කරමින් පිත්තෙන් දස්කම් දැක්වූ අතර ලික්ෂාන් සසංග ලකුණු 43 ක් සහ කඩුලු 4 ක් දවාගනිමින් තුන් ඉරියම් දස්කම් දැක්වීය.

ශා.ඇලවීෂියස්  විදුහල - ඕවර 50 කදී කඩුලු 9 ක් දැවී 179
(මිතුන් මිශේක 38, කවිඳු දිල්හාර 32, ලික්ෂාන් සසංග 33/4)

ගුරුකුළ විදුහල - ඕවර 48.4 කදී කඩුලු 7 ක් දැවී 185
(රශ්මික මෙවන් 52, ලික්ෂාන් සසංග 43, දිලිප් චාමර 20, ශානක නිකේෂල 27/2)