Last Update  :  2025-04-04 20:30:00 About Contact
Follow Us -
IMG-LOGO
නිවස්න පිටුව Cricket කෑගලු රන් මහා සටන අද සිට කෑගල්ල මහනගර සභා පිටියේදී

කෑගලු රන් මහා සටන අද සිට කෑගල්ල මහනගර සභා පිටියේදී

editorial - 2025 අප්‍රේ මස 04 {{hitsCtrl.values.hits}} Views 0 Comment
A A A

(කෑගල්ල අධිකරණ චමින්ද වැවතැන්න)

කෑගලු විද්‍යාලය හා කෑගල්ල ශාන්ත මරියා විද්‍යාලය අතර 43 වැනි වතාවටත් පවත්වනු ලබන ‘කෑගලු රන් මහා සටන’ වාර්ෂික මහ ක්‍රිකට් තරගය ප්‍රථම වතාවට තෙදිනක තරගයක් ලෙස අද (4 වැනිදා) සිට අනිද්දා (6 වැනිදා) දක්වා කෑගල්ල මහ නගර සභා ක්‍රීඩාංගණයේදී පැවැත්වේ. 

මෙවර තරගයේදී කෑගලු විද්‍යාල කණ්ඩායමේ නායකයකා ලෙස දිල්ෂාන් දිසානායක කටයුතු කරන අතර ශාන්ත මරියා විද්‍යාල කණ්ඩායමේ නායකයා ලෙස සමිත සදරුවන් කටයුතු කරයි. දෙවිදුහල්  අතර පැවැත්වෙන වාර්ෂික එක්දින තරගය අප්‍රේල් 27 වැනිදා කෑගල්ල මහ නගර සභා ක්‍රීඩාංගණයේදීම පැවැත්වීමට නියමිතය. 

1963 වර්ෂයේදී පළමු වරට කෑගලු විද්‍යාලයීය කණ්ඩායම සහ කෑගල්ල ශාන්ත මරියා විද්‍යාලයීය  කණ්ඩායම අතර ‘කෑගලු රන් මහා සටන’ ආරම්භ කර ඇති අතර පළමු තරගය ජය පැරදුමකින් තොරව අවසන් කර තිබේ. 

ආරම්භයේ සිට මේ දක්වා තරග 42 ක් පවත්වා ඇති අතර ඉන් තරග 7 ක් කෑගල්ල ශාන්ත මරියා විද්‍යාලයීය කණ්ඩායම ජයග්‍රහණය කර තිබුණි. කෑගලු විද්‍යාලීය කණ්ඩායම එක් තරගයක් හෝ ජයග්‍රහණය කර නොමැති අතර තරග 35 ක් ජය පැරදුමකින් තොරව අවසන් වී තිබේ. 

කෑගලු විද්‍යාලයේ වත්මන් විදුහල්පතිවරයා ලෙස ලක්ෂ්මන් අමරසූරිය මහතා කටයුතු කරන අතර විද්‍යාලයේ ක්‍රිකට් කණ්ඩායමේ පුහුණුකරු ලෙස තිලාන් තිරිමාන්න මහතා කටයුතු කරයි. කෑගල්ල ශාන්ත මරියා විද්‍යාලයේ විදුහල්පතිවරයා ලෙස කරුණා රුවන් මහතා කටයුතු කරන අතර ක්‍රිකට් කණ්ඩායමේ පුහුණුකරු ලෙස චින්තක ජයවික්‍රම මහතා කටයුතු කරයි. 

කෑගල්ල ශාන්ත මරියා කණ්ඩායම

කෑගලු විද්‍යාලීය කණ්ඩායම


අදහස් (0)

කෑගලු රන් මහා සටන අද සිට කෑගල්ල මහනගර සභා පිටියේදී

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.