කොදෙව් පිලට කඩුල්ලක තියුණු ජයක්

දකුණු අප‍්‍රිකාව සහ බටහිර ඉන්දීය කොදෙව් අතර තරග පහකින් සමන්විත එක්දින ක‍්‍රිකට් තරගාවලියේ පෝත් එළිබත්හිදී අද (25) පැවැති සිවුවැනි එක්දින තරගයෙන් කොදෙව් පිල කඩුල්ලක තියුණු ජයක් ලැබීය.

දකුණු අප‍්‍රිකාව 3-1 ක් ලෙස මේ වන විටත් තරගාවලියේ ජය තහවුරු කර ගැනීමට සමත්ව සිටියි.  

කොදෙව් පිල ලකුණු 263 ක ඉලක්කය  ඕවර 48.3 කදී කඩුලූ 9 ක් දැවී සම්පූර්ණ කිරීමට සමත් විය.

ඇන්ද්‍රි රසල් ජයග‍්‍රහණයේ නියමුවා බවට පත්වෙමින් පන්දු 40 කදී හතරේ සහ හයේ පහර 5 බැගින් වාර්තා කරමින් නොදැවී ලකුණු 64 ක් රැස්කිරීමට සමත් විය.  

කොදෙව් පිල ලකුණු 73 කට කඩුලූ 5 ක් බිද වැටී සිටියදී මාලන් සැමුවෙල්ස් සහ ඩැරන් සැමී හයවැනි කඩුල්ලට ලකුණු 93 ක සම්බන්ධතාවක් පවත්වමින් ප‍්‍රබල තත්ත්වයකට රැගෙන ඒමට සමත් වූහ.

මාලන් සැමුවෙල්ස් පන්දු 93 කදී හතරේ පහර 5 ක් සහ හයේ පහර 2 ක් සමගින් ලකුණු 68 ක් රැස් කළේය.

ඩැරන් සැමී පන්දු 52 කදී හතරේ පහර 5 ක් සහ හයේ පහර 2 ක් සමගින් ලකුණු 51 ක් ලකුණු පුවරුවට එකතු කළේය. 

දකුණු අප‍්‍රිකානු ප‍්‍රවේගකාරී පිතකිරු ඬේවිඞ් මිලර් කළකට පසුව අනගි ඉනිමක් ක‍්‍රීඩා කරමින් පන්දු 133 කදී හතරේ පහර 11 ක් සහ හයේ පහර 3 ක් සමගින් නොදැවී 
ලකුණු 130 ක් රැස් කළේය.

දකුණු අප‍්‍රිකානු පළමු කඩුලූ හතර ලකුණු 76 කට බිද වැටීමෙන් පසුව ඬේවිඞ් මිලර් සහ ජේ. පී. ඩුමිනි (43) පස්වැනි කඩුල්ලට ලකුණු 90 ක සම්බන්ධතාවක් පැවැත්වමින් ස්ථාවර තත්ත්වයකට රැගෙන ආහ.

කොදෙව් නායක ජේසන් හෝල්ඩර් ලකුණු 53 කට කඩුලූ 4 ක් දවා ගත්තේය. 

දකුණු අප‍්‍රිකානු පිල  ඕවර 50 යේදී කඩුලූ 8 ට 262

(ඒ. බී. ඩිවිලියස් 19, ඬේවිඞ් මිලර් නොදැවී 130, ජේ. පී. ඩුමිනි 43, ජේසන් හෝල්ඩර් 53/4)

බටහිර ඉන්දීය කොදෙව් පිල  ඕවර 48.3 කදී කඩුලූ 9 ට 266 
(ලියොන් ජොන්සන් 18, මාලන් සැමුවෙල්ස් 68, ඩැරන් සැමී 51, ඇන්ද්‍රි රසල් නොදැවී 64, ජේසන් හෝල්ඩර් 13, කාලෝස් බ‍්‍රැත්වයිට් 11, ෆර්හාන් බිහර්ඞීන් 21/2, ජේ. පී. ඩුමිනි 29/2)

-048