(දමින්ද විජේසූරිය)
වයස 19 න් පහළ අන්තර් පාසල් ක්‍රිකට් තරගාවලියේ අර්ධ අවසන් පූර්ව වටයේ තරගයකදී කොළඹ රාජකීය විද්‍යාලය විසින් ගල්කිස්ස සාන්ත තෝමස් විද්‍යාලය මුල් ඉනිමේදී පරාජය කරන ලදි. තුන්දින තරගාවලියක් වූවද, තරගය ජය පරාජයෙන් තොරව නිමා වන අවස්ථාවකදී පළමු ඉනිමේ ජයග්‍රහණය ලබාගන්නා කණ්ඩායම තරගාවලියේ ඉදිරියට යයි.
ඒ අනුව කොළඹ රාජකීය විද්‍යාලයීය කණ්ඩායම තරගාවලියේ අවසන් පූර්ව වටයට සුදුසුකම් ලබයි. පසුගිය 5 වැනිදා අනුරාධපුරයේ සමාධි ක්‍රීඩාංගණයේදී ආරම්භ වූ තරගය අද (07 වැනිදා) නිමාවට පත්විය.
දෙවැනි ඉනිමේදීත් විශිෂ්ට පිතිහරඹයක නිරත වූ රාජකීය පිල වෙනුවෙන් දිනෙත් දිම්සර නොදැවී ශතකයක් ලබාගත්තේය. තරගයෙන් ජයගැනීම සඳහා ලකුණු 430 ක ඉලක්කයක් කරා ගිය සාන්ත තෝමසුවෝ තරගය නිමා වන විට කඩුලු 3 ක් දැවී ලකුණු 186 ක් ලබා සිටියහ.
කොළඹ රාජකීය විද්‍යාලය - පළමු ඉනිම 301 යි
(හිරුන් ලියනාරච්චි 22, රෙහාන් පීරිස් 82, රමිරු පෙරේරා 81, යසිරු දිසානායක 58, කවිඳු ඩයස් 69/2, අභීත් පරණවිතාන 66/2, මිනෝන් වර්ණසූරිය 37/2)
ගල්කිස්ස සාන්ත තෝමස් විද්‍යාලය - පළමු ඉනිම 120 යි
(දිනෙත් ගුණවර්ධන 28, සචිත ගුණසිංහ 33, ෂෙහාදු සූරියාරච්චි 31/5, රනුක මලවිආරච්චි 39/2)
කොළඹ රාජකීය විද්‍යාලය - දෙවැනි ඉනිම 248 යි
(දිනෙත් දිම්සර නොදැවී 122, ඉසුල ගීගනගේ 47, රමිරු පෙරේරා 25, ඒරන් ද සිල්වා 48/3, අභීත් පරණවිතාන 63/3)
ගල්කිස්ස සාන්ත තෝමස් විද්‍යාලය - දෙවැනි ඉනිම කඩුලු 3 ට 186 යි
(සදෙව් සොයිසා 58, ජේඩ්න් අමරවීර 46, දිනෙත් ගුණවර්ධන නොදැවී 44, මිතිල චාල්ස් නොදැවී 34)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
