(ශානුක අරවින්ද)
ශ්‍රී ලංකා ක්‍රිකට් ආයතනය සංවිධානය කරන ‘මේජර් ලීග්’ අන්තර් සමාජ පළමු පෙළ ක්‍රිකට් තරගාවලියේ පළමු සතිය නිමාවට පත්වන විට ‘ඒ’ කාණ්ඩයේ පෙරමුණ ගැනීමට කෝල්ට්ස් ක්‍රිකට් සමාජයද, ‘බී’ කාණ්ඩායමේ පෙරමුණ ගැනීමට එන්.සී.සී. ක්‍රීඩා සමාජයද සමත්ව තිබේ.
පළමු සතියේදී මීගමුව ක්‍රිකට් සමාජයට එරෙහිව පැවැති තරගය ඉනිමකින් සහ ලකුණු 92 කින් ජය ගැනීමට කෝල්ට් ක්‍රිකට් සමාජය සමත් වූ අතර මහනුවර රේගු ක්‍රීඩා සමාජයට එරෙහිව කඩුලු 5 ක ජයක් වාර්තා කිරිමට එන්.සී.සී. ක්‍රීඩා සමාජය සමත් විය.
එම සතියේදී ‘ඒ’ කාණ්ඩය යටතේ සෙසු පැවැති තරග ජයගැනීමට ඒස් කැපිටල්, බ්ලූම්ෆීල්ඩ් සහ පොලිස් යන කණ්ඩායම් සමත් වූ අතර එහිදී ඔවුන් හමුවේ පිළිවෙලින් බදුරලිය, රාගම සහ පානදුර කණ්ඩායම් පරාජයට පත්විය.
සී.සී.සී., මුවර්ස් සහ කුරුණෑගල යන කණ්ඩායම් ‘බී’ කාණ්ඩය යටතේ පැවැති සෙසු තරගය ජයගත් අතර ඔවුන් ජය ලැබුවේ එහිදී පිළිවෙලින් ද්‍රවිඩ සංගම්, බී.ආර්.සී. සහ එස්.එස්.සී. යන කණ්ඩායම් පරාජයට පත් කරමිනි.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
