ගලහිටියාව මැදි විදුහලට මින්සර ජය ගෙනෙයි

මින්සර සඳුපගේ තුන් ඉරියව් දස්කම් හමුවේ ‘සිංගර් කුසලාන’ වයස 17 න් පහළ ක්‍රිකට් තරගාවලියේ I කොටසේ තරගයකදී පානදුර ශාන්ත ජෝන් විදුහලට එරෙහිව ලකුණු 61 ක ජයක් හිමිකර ගැනීමට ගලහිටියාව මධ්‍ය මහා විද්‍යාලය සමත්විය. මෙම තරගය පානදුර ශාන්ත ජෝන් විදුහල් ක්‍රීඩාංගණයේදී පැවැත්විණි.

පිත්තෙන් දස්කම් දැක්වූ මින්සර සඳුප (නොදැවී 59) අර්ධ ශතකයක් සහ ලකුණු 22 කට කඩුලු 4 ක් දවාගනිමින් පන්දුවෙන්ද දස්කම් දැක්වූ  අතර ගිම්හාන චන්ද්‍රසේන ලකුණු 18 කට කඩුලු 3 ක් දවාගත්තේය.

ගලහිටියාව ම.ම.විද්‍යාලය - ඕවර 43.5 කදී සියලුදෙනා දැවී 151
(මින්සර සඳුප නොදැවී 59, නෙලුක දිල්ශාන් 24, සංජු මදුමාල් 24/3, අශේන් දිල්හාර 25/2)

ශාන්ත ජෝන් විදුහල - ඕවර 28.3 කදී සියලුදෙනා දැවී 90
(මින්සර සඳුප 22/4, ගිම්හාන චන්ද්‍රසේන 18/3)