ගලහිටියාව මැදි විදුහලේ කයිසර්ගෙන් ශතකයක්

කොළඹ මහානාම විදුහල් ‘බී’ කණ්ඩායමට එරෙහිව ගලහිටියාවේදී පැවැති අන්තර් පාසල් වයස 13 න් පහළ ‘සිංගර් කුසලාන’ ක්‍රිකට් තරගාවලියේ II කාණ්ඩයේ තරගයේදී ශතකයක් (120) ලබාගැනීමට ගලහිටියාව මැදි විදුහලේ ලූකස් කයිසර් සමත් විය.

එම තරගයේදී ගලහිටියාව මැදි විදුහලට පළමු ඉනිමේ ජයක් හිමිවිය. මහානාම විදුහල් ‘බී’ කණ්ඩායමේ පළමු ඉනිම ලකුණු 46 කට සීමාකිරීමට ගලහිටියාව මැදි විදුහල් කණ්ඩායමේ පන්දුයවන්නෝ සමත් වූහ.

එහිදී දක්ෂ පන්දුයැවීමක නිරත වූ සචින් සඳරුවන් ලකුණු 18 කට කඩුලු 5 ක් දවාගත් අතර මහානාම පළමු ඉනිම සුනුවිසුණු කරදැමීම සඳහා ඔහුට අනගි සහයක් දුන් පසිඳු ලක්ෂාන් ලකුණු 20 කට කඩුලු 4 ක් දවාගත්තේය.

මහානාම විදුහල් ‘බී’ කණ්ඩායම පළමු ඉනිම - ඕවර 24 කදී සියලු දෙනා දැවී 46
(සචින් සඳරුවන් 18/5, පසිඳු ලක්ෂාන් 20/4)

ගලහිටියාව මැදි විදුහල පළමු ඉනිම - ඕවර 43.1 කදී සියලු දෙනා දැවී 191
(ලූකස් කයිසර් 120, දිදුල දම්සර 38/3, යසිත් ප්‍රියෂාන් 31/2)

මහානාම විදුහල් ‘බී’ කණ්ඩායම දෙවැනි ඉනිම - ඕවර 29 කදී කඩුලු 8 ක් දැවී 71
(චරිත් ජයෂාන් 34, පසිඳු ලක්ෂාන් 9/3, එසඳ සිතුම් 18/3)