ජොහාන් - දිනෙත් ශතක ලබති

‘සිංගර් කුසලාන’ වයස 17 න් පහළ ක්‍රිකට් තරගාවලියේ ෂ කොටසේ තරගයකදී අම්බලන්ගොඩ ධර්මාශෝක විදුහලට එරෙහිව පැරබෝලා න්‍යායට අනුව ලකුණු 109 ක ජයක් හිමිකර ගැනීමට කොළඹ ශාන්ත ජෝසප් විදුහල අද (31 වැනිදා) සමත්විය. මෙම තරගය කොළඹ ශාන්ත ජෝසප් විදුහල් ක්‍රීඩාංගණයේදී පැවැත්විණි.

ජොහාන් ද සිල්වා ලකුණු 171 ක් සහ දිනෙත් ජයකොඩි ලකුණු 100 ක් රැස්කරමින් ශාන්ත ජෝසප් විදුහල් කණ්ඩායම ලකුණු 350 සීමාවෙන් ඔබ්බට රැගෙන යාමට සමත්වූහ.

ශා.ජෝසප් විදුහල - ඕවර 50 කදී කඩුලු 6 ක් දැවී 364
(ජොහාන් ද සිල්වා 171, දිනෙත් ජයකොඩි 100, මිරංග වික්‍රමගේ නොදැවී 33, චමිල් හිම්සර 53/2)

ධර්මාශෝක විදුහල - ඕවර 20 කදී කඩුලු 7 ක් දැවී 95
(චමිඳු දිල්ෂාන් 39, ශෙනුක් ද සිල්වා 01/2, මිරංග වික්‍රමගේ 14/2, දිනෙත් අන්තෝනී 23/2)