තිසරගේ දස්කම් පන්ජාබ් පිලට ජය ගෙනෙයි

ශූරයන්ගේ විස්සයි20 ලීග් තරගාවලියේ මූලික වටයේ දෙවැනි තරගය ලෙස හෝබාර්ට් හරිකේන්ස් පිල සහ කිංග්ස් XI පන්ජාබ් පිල අතර මොහාලි හිදී අද (18 වැනිදා) පැවැති තරගයෙන් කඩුලූ 5 ක ජයක් වාරතා කිරීමට කිංග්ස් XI පන්ජාබ් පිල සමත්විය.

පන්දුවෙන් මෙන්ම පිත්තෙන්ද එකසේ දස්කම් දැක්වූ තිසර පෙරේරා තරගයේ වීරයා බවට පත්විය.

පන්ජාබ් පිලේ කඩුලූ 3 ලකූණු 23 කට දැවී තිබූ අවස්ථාවේ පස්වැනි පිතිකරු ලෙස පිටියට පිවිසි ග්ලේන් මැක්ස්වෙල්, පන්දු 25 කදී හයේ පහර 2 ක් සහ හතරේ පහර 4 ක් සමගින් වේගවත් ලකුණු 43 ක් රැස්කරමින් තම කණ්ඩායම ජයග‍්‍රහණයේ මාවතට යොමු කළේය.

ඉන් පසුව පිටිය පුරා තම අණසක පැතිරවූ නායක ජෝජ් බේලි (නොදැවී 34 සහ තිසර පෙරේරා (නොදැවී 35), 6 වැනි කඩුල්ල වෙනුවෙන් පන්දු 41 කදී ලකුණු 69 ක නොබිදුණ සම්බන්ධතාවක් ගොඩනඟමින් පන්ජාබ් පිල ජයග‍්‍රහණය කරා රැගෙන ගියහ.

පන්දු 27 කදී වාර්තා වූ ජෝජ් බේලිගේ ඉනිමට හතරේ පහර 5 ක් ඇතුළත් වූ අතර පන්දු 20 කදී වාර්තා වූ තිසර පෙරේරාගේ ඉනිමට හයේ පහරක් සහ හතරේ පහර 4 ක් ඇතුළත් විය.

පළමුවෙන් පන්දුවට පහරදුන් හෝබාර්ට් හරිකේන්ස් පිල නියමිත  ඕවර 20 අවසානයේ කඩුලූ 6 ක් දැවී ලකුණු 144 ත් ලබාගත්තේය.

එහිදී 5 වැනි කඩුල්ල වෙනුවෙන් පන්දු 31 කදී ලකුණු 52 ක සම්බන්ධතාවක් ගොඩනැගූ ටේ‍්‍රවිස් බර්ට් (28) සහ ජොනතන් වේල්ස් (28) හෝබාර්ට් පිලේ ලකුණු සංඛ්‍යාව ඉහළ දැමූහ.

පන්ජාබ් පිල වෙනුවෙන්  ඕවර 3 ක් යවා ලකුණු 17 කට කඩුලූ 2 ක් දවාගැනීමට තිසර පෙරේරා සමත් විය.

කාසියේ වාසිය දිනූ කිංග්ස් XI පන්ජාබ් පිල පළමුවෙන් පන්දුවට පහරදීම සඳහා හෝබාර්ට් හරිකේන්ස් පිලට ආරාධනා කර සිටියේය.

හෝබාර්ට් හරිකේන්ස් පිල -  ඕවර 20 කදී කඩුලූ 6 ක් දැවී 144
(බෙන් ඩන්ක් 26, ඒඩන් බ්ලිසාර්ඞ් 27, ශොයිබ් මලික් 14, ටේ‍්‍රවිස් බර්ට් 28, ජොනතන් වේල්ස් 28, තිසර පෙරේරා 17/2)

කිංග්ස් XI පන්ජාබ් පිල -  ඕවර 20 කදී කඩුලූ 5 ක් දැවී 146
(මනන් වෝරා 18, ග්ලේන් මැක්ස්වෙල් 43, ජෝර්ජ් බේලි නොදැවී 34, තිසර පෙරේරා නොදැවී 35, ඩග් බොලින්ජර් 30/2)

-036