ශ්‍රී ලංකාවේ සංචාරයක නිරත වන බටහිර ඉන්දීය කොදෙව් පිල සහ ශ්‍රී ලංකා ක්‍රිකට් සභාපතිගේ පිල අතර පැවැත්වෙන සිව්දින තරගයේ තෙවැනි දිනයත් වර්ෂාව හේතුවෙන් සම්පූර්ණයෙන් අතහැර දැමීමට විනිසුරුවෝ තීරණය කළහ. එස්.එස්.සී ක්‍රීඩාංගණයේදී පැවැත්වෙන මෙම තරගයේ පළමු සහ දෙවැනි දිනයන් දෙකත්, තෙවැනි දිනය වූ අද (16 වැනිදා) දිනයත් වර්ෂාවට සේදී ගියේය.
සිව්දින තරගයේ දින තුනක්ම මේ වනවිට වර්ෂාව හේතුවෙන් සේදී ගොස් ඇති අතර හෙට (17 වැනිදා) දිනයේදී වර්ෂාව පතිත නොවූවද සති ගණනක් පුරා ඇද හැලෙන වර්ෂාව නිසා ක්‍රීඩාංගණයේ සමහර ස්ථාන ජලය බැස නොයන තත්වයට පත්ව ඇත. එබැවින් ටෙස්ට් තරගාවලියට සහභාගිවන ක්‍රීඩකයන්ගේ ආරක්‍ෂාව ගැන සලකා බලා සිව්වැනි දිනයත් අතහැර දැමීමට බොහෝ ඉඩකඩ ඇත.
ඒ අනුව මාස ගණනක් පුරා සුදු පන්දුවට ඇස හුරුකරගෙන සිටි කණ්ඩායම් දෙකෙහි ක්‍රීඩකයන් වැඩි පිරිසකට රතු පන්දුවට ඇස හුරුකර ගැනීමට තිබූ අවස්ථාව ගිලිහි යමින් පවතී.
- 2079
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
