(දමින්ද විජේසූරිය)
ධෛර්යවත් පන්දු යැවීමක නිරත වූ දඹුල්ල නායක ධනංජය ද සිල්වා සති අන්ත තුනකදී පිට පිටම සිය තුන්වැනි පළමු පෙළ ශතකයක් ලබාගත් නමුත් දඹුල්ල කණ්ඩායම ලකුණු 340 කට දැවී ගියේය. මුල් ඉනිමේදී ලකුණු 113 ක වාසියක් අත්කරගත් මහනුවර කණ්ඩායම කොළඹ ආර්. ප්‍රේමදාස ක්‍රීඩාංගණයේදී පැවැත්වෙන ජාතික සුපර් ලීග් (පළමු පෙළ) තරගයේ තුන්වැනි දිනය නිමා වන විට ලකුණු 303 කින් ඉදිරියෙන් සිටියේය.
මහනුවර පිල සිය දෙවැනි ඉනිම වෙනුවෙන් කඩුලු 5 ක් දැවී ලකුණු 190 ක් ලබාගෙන සිටින අතර පවන්ත වීරසිංහ (නොදැවී 74) සහ රවිඳු ප්‍රනාන්දු (නොදැවී 24) කඩුල්ලේ රැඳී සිටිති.
ජාතික සුපර් ලීග් තරගාවලියේ සාර්ථකම පිතිකරුවන් අතරට එක්වී සිටින ශ්‍රී ලංකා ටෙස්ට් නායකයා ගාල්ල කණ්ඩායමට එරෙහිව ලකුණු 106 ක් ලබාගත් අතර පසුගිය සති අන්තයේදී කොළඹ පිල හමුවේත් ලකුණු 142 ක් ලබාගත්තේය.
මේ අතරවාරයේදී සුවිශේෂී පන්දු යැවීමක නිරතව සිටින අකිල ධනංජය පිට පිටම තුන්වැනි එන්.එස්.එල්. තරගයේදීත් කඩුලු 10 ක් දවා ගැනීමේ අවස්ථාවට ආසන්න වෙමින් සිටී. 2025 ජාතික සුපර් ලීග් තරගාවලියේ පළමු තරග දෙකේදීම (163/12 සහ 195/10) කඩුලු 22 ක් දවාගත් අකිල ධනංජය මෙම තරගයේ පළමු දින තුනේදී ලකුණු 213 කට කඩුලු 9 ක් දවාගෙන සිටී. තරගයේ තවත් දිනයක් ඉතිරිව ඇති අතර තුන්වැනි වරටත් කඩුලු 10 ක් දවාගැනීමේ අවස්ථාව අකිල ධනංජයට තිබේ.
මහනුවර - පළමු ඉනිම සියලු දෙනා දැවී 453 යි
(පැතුම් නිස්සංක 202, පවන්ත වීරසිංහ 20, සොහාන් ද ලිවේරා 142, රවිඳු ප්‍රනාන්දු 37, අශියන් ඩැනියෙල් 12, දිනුර කළුපහන 64/2, අකිල ධනංජය 140/5, චමිඳු විජේසිංහ 59/3)
දඹුල්ල - පළමු ඉනිම සියලු දෙනා දැවී 340 යි
(නිශාන් මධුෂ්ක 31, රොන් චන්ද්‍රගුප්ත 17, ධනංජය ද සිල්වා 108, සහන් කෝසල 34, දසුන් ශානක 63, විශාද් රන්දික 40, ලසිත් ඇඹුල්දෙණිය 14, ශිරාන් ප්‍රනාන්දු 42/3, සහන් නානායක්කාර 125/2, අශියන් ඩැනියෙල් 109/4)
මහනුවර - දෙවැනි ඉනිම කඩුලු 5 ට 190 යි
(ජනිශ්ක පෙරේරා 27, පවන්ත වීරසිංහ නොදැවී 74, අශේන් බණ්ඩාර 12, සොහාන් ද ලිවේරා 32, රවිඳු ප්‍රනාන්දු නොදැවී 24, අකිල ධනංජය 73/4)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
