නාලන්දා - ශා. පීතර අ. පූර්ව තරගය හෙට

මිනුවන්ගොඩ නාලන්දා ජාතික පාසල සහ බම්බලපිටිය ශාන්ත පීතර විදුහල් ‘බී’ කණ්ඩායම අතර පැවැත්වෙන අන්තර් පාසල් වයස 13 න් පහළ ‘සිංගර් කුසලාන’ ක්‍රිකට් තරගාවලියේ II වැනි කාණ්ඩයේ අවසන් පූර්ව තරගය හෙට (12 වැනිදා) කඳාන ද මැසිනොද් ක්‍රීඩාංගණයේදී පැවැත්වේ.

නාලන්දා ජාතික පාසල II වැනි කාණ්ඩයේ අවසන් පූර්ව වටයට සුදුසුකම් ලබාගත් පළමු අවස්ථාව මෙය වෙයි. පොල්ගහවෙල ශාන්ත බර්නඩෙත් විදුහලට එරෙහිව පොල්ගහවෙලදී පැවැති අර්ධ අවසන් පූර්ව වටයේ තරගfිය්දී පළමු ඉනිමේ ජයක් වාර්තා කරමින් ඔවුහු අවසන් පූර්ව වටයට සුදුසුකම් ලබාගත්හ.

ශාන්ත පීතර විදුහල් ‘බී’ කණ්ඩායම අවසන් පූර්ව වටයට සුදුසුකම් ලබාගත්තේ ගලහිටියාව මැදි විදුහලට එරෙහිව බම්බලපිටියේදී පැවැති අර්ධ අවසන් පූර්ව වටයේ තරගයේදී පළමු ඉනිමේ ජයක් වාර්තා කරමිනි.
ශලිඳු මල්මින නාලන්දා ජාතික පාසල් කණ්ඩායමේ නායකත්වය දරන අතර තිලෝක ද සිල්වා ශාන්ත පීතර විදුහල් ‘බී’ කණ්ඩායමේ නායක්වය දරයි.

නාලන්දා ජාතික පාසල් කණ්ඩායම -
ශලිඳු මල්මින (නායක), මහිඳු බණ්ඩාර, දර්ෂන් සඳරුවන්, චාමික ජයතිලක, නඳුන් වීරසිංහ, අචින්ත ගුණසේකර, නිර්මන්ත මාරසිංහ, තත්සුක ඉන්දීප, අශාන් කුමාර, සචිරු කුලසූරිය, නවීන් පෙරේරා, කල්ප රුවන්පතිරණ, ෂෙහාන් මදුරංග, වනුජ බණ්ඩාර, තරුෂ ප්‍රනාන්දු, ආර්. එස්. කේ. රාමනායක මහතා (ක්‍රීඩා භාර ආචාර්ය), ඔමිල වික්‍රමසිංහ මහතා (පුහුණුකරු)

ශාන්ත පීතර විදුහල් ‘බී’ කණ්ඩායම -
තිලෝක ද සිල්වා (නායක), ඉමේෂ් චන්දිමාල්, ගවින් කරුණාකලගේ, ශනෝන් රොද්‍රිගූ, යසිද් ජයන්, සිතුම් සිල්වා, දිනුක් පෙරේරා, දිනුක් විජේසිංහ, ශලින් ද අල්විස්, රෙවාන් රණසිංහ, විකුම් ගලහිටියාව, ශෙරාන් ප්‍රනාන්දු, රොමෙල් බෙල්ලන, සිනෙත් කළුආරච්චි, යොහාන් පීරිස්, ශවන්ත ප්‍රනාන්දු, හසක පෙරේරා, ධිරේන් ද සිල්වා, මින්දුල මායාකඩුව, වසන්ත හපුතන්ත්‍රි (ක්‍රීඩා භාර ආචාර්ය), මංජුක පෙරේරා මහතා (පුහුණුකරු)