පන්දු යවන්නෝ ගාල්ල මහින්දයට ජය ගෙනෙති

‘සිංගර් කුසලාන’ වයස 17 න් පහළ ක්‍රිකට් තරගාවලියේ  I කොටසේ තරගයකදී මහනුවර ත්‍රිත්ව විදුහලට එරෙහිව කඩුලු 7 ක ජයක් හිමිකර ගැනීමට ගාල්ල මහින්ද විදුහල අද (2 වැනිදා) සමත්විය. මෙම තරගය රත්ගම මහජන ක්‍රීඩාංගණයේදී පැවැත්විණි.

කුෂාන් මදූෂ කඩුලු 3 ක් ද ඔසිඳු කාවින්ද්‍ය සහ චේතිය දිනිඳු කඩුලු 2 බැගින්ද දවාගනිමින් මහින්ද විදුහල විදුහල වෙනුවෙන් පන්දුවෙන් දස්කම් දැක්වූහ.

ත්‍රිත්ව විදුහල - ඕවර 26.5 කදී සියලුදෙනා දැවී 60
(පසන් ගනේගොඩ 25, කුෂාන් මදූෂ 06/3, ඔසිඳු කාවින්ද්‍ය 11/2, චේතිය දිනිඳු 13/2)

මහින්ද විදුහල - ඕවර 11.5 කදී කඩුලු 3 ක් දැවී 61
(චාක්‍ය සම්පත් 22)