පන්දු යවන්නෝ පිළියන්දල මැදි විදුහලට ජය ගෙනෙති

‘සිංගර් කුසලාන’ වයස 17 න් පහළ ක්‍රිකට් තරගාවලියේ I කොටසේ දෙවැනි වටයේ තරගයකදී කොළඹ මහනාම විදුහලට එරෙහිව ලකුණු 38 ක ජයක් හිමිකර ගැනීමට පිළියන්දල මධ්‍ය මහා විද්‍යාලය අද (3 වැනිදා) සමත්විය. මෙම තරගය පිළියන්දල මධ්‍ය මහා විද්‍යාලයීය ක්‍රීඩාංගණයේදී පැවැත්විණි.

අවිශ්ක පෙරේරා ලකුණු 30 කට කඩුලු 5 ක් දවාගනිමින් මහනාම විදුහල වෙනුවෙන් පන්දුවෙන් දස්කම් දැක්වූ අතර සඳුන් සත්සර ලකුණු 24 කට කඩුලු 4 ක් දවගනිමින් පිළියන්දල මධ්‍ය මහා විද්‍යාලය වෙනුවෙන් පන්දුවෙන් දස්කම් දැක්වීය.

පිළියන්දල මැදි විදුහල - ඕවර 45.5 කදී සියලුදෙනා දැවී 155
(ආකාශ් අකලංක 34, තරූෂ රංසර 27, උෂාන් දිමන්ත 24, සඳුන් සත්සර 21, අවිශ්ක පෙරේරා 30/5, අචින්ත අකලංක 23/2)

මහනාම විදුහල - ඕවර 34.3 කදී සියලුදෙනා දැවී 117
(පුල්ෂාන් සංතිල 21, විනුක රූබසිංහ 21, චාමිකර පිරීස් 21, සඳුන් සත්සර 24/4, කුෂාන් දිමන්ත 16/2, චමෝද් සඳරු 36/2)