පන්දු යවන්නෝ වේල්ස් කුමර විදුහලට ජය ගෙනෙති

‘සිංගර් කුසලාන’ වයස 17 න් පහළ ක්‍රිකට් තරගාවලියේ I කොටසේ තරගයකදී කළුතර තිස්ස මධ්‍ය මහා විද්‍යාලයට එරෙහිව කඩුලු 4 ක ජයක් හිමිකර ගැනීමට මොරටුව වේල්ස් කුමර විදුහල සමත්විය. මෙම තරගය බණ්ඩාරගම මහජන ක්‍රීඩාංගණයේදී පැවැත්විණි.

ලක්ෂාන් පෙරේරා ලකුණු 15 කට කඩුලු 4 ක් සහ සමුද්‍ර මීඩින් ලකුණු 14 කට කඩුලු 3 ක් දවාගනිමින් මොරටුව වේල්ස් කුමර විදුහල ජයග්‍රහණය කරා රැගෙන යාමට සමත්වූහ.

තිස්ස මැදි විදුහල - ඕවර 43.3 කදී සියලුදෙනා දැවී 82
(අශේන් චාලූක 21, ලක්ෂාන් පෙරේරා 15/4, සමුද්‍ර මීඩින් 14/3)

වේල්ස් කුමර විදුහල - ඕවර 17 කදී කඩුලු 6 ක් දැවී 85
(විනුජ රාන්පූල් 30, ලක්ෂාන් පෙරේරා 29, හේෂාන් උවින්ද 08/2)