පන්දු යවන්නෝ ශා.අන්තෝනී විදුහලට ජය ගෙනෙති

‘සිංගර් කුසලාන’ වයස 17 න් පහළ ක්‍රිකට් තරගාවලියේ I කොටසේ තරගයකදී මාතර ශාන්ත තෝමස් විදුහලට එරෙහිව කඩුලු 6 ක ජයක් හිමිකර ගැනීමට මහනුවර ශාන්ත අන්තෝනී විදුහල අද (3 වැනිදා) සමත්විය. මෙම තරගය මාතර උයන්වත්ත ක්‍රීඩාංගණයේදී පැවැත්විණි.

ශාන්ත අන්තෝනී විදුහලේ එම්.කමිල් නොදැවී ලකුණු 48 ක් සහ කඩුලු 2 ක් දවාගනිමින් තුන් ඉරියව් දස්කම් දැක්වූ අතර නිම්නක ජයතිලක කඩුලු 4 ක් සජිත් ඉරුන්දික කඩුලු 3 ක් දවාගනිමින් පන්දුවෙන් දස්කම් දැක්වූහ.

ශා.තෝමස් විදුහල - ඕවර 36.4 කදී සියලුදෙනා දැවී 107
(නිම්නක ජයතිලක 12/4, සජිත් ඉරුන්දික 30/3, එම්.කමිල් 06/2)

ශා.අන්තෝනී විදුහල - ඕවර 26 කදී කඩුලු 4 ක් දැවී 108
(එම්.කමිල් නොදැවී 48, ගිහාන් ඊබට් නොදැවී 30, වෝෂිත අත්සර 14/2)