පන්දු යවන්නෝ ශා.සෙබස්තියන් විදුහලට ජය ගෙනෙති

‘සිංගර් කුසලාන’ වයස 17 න් පහළ ක්‍රිකට් තරගාවලියේ II කොටසේ දෙවැනි වටයේ තරගයකදී වත්තල ලයිසියම් විදුහලට එරෙහිව ලකුණු 36 ක ජයක් හිමිකර ගැනීමට මොරටුව ශාන්ත සෙබස්තියන් විදුහල සමත්විය. මෙම තරගය පානදුර ශාන්ත ජෝන් ක්‍රීඩාංගණයේදී පැවැත්විණි.

ශාන්ත සෙබස්තියන් විදුහලේ චකිල පෙරේරා (55) අර්ධ ශතකයක් ලබාගනිමින් පිත්තෙන් දස්කම් දැක්වූ අතර දිඳුල පිරීස්, අශේන් ප්‍රනාන්දු සහ කළණ සංදීප් කඩුලු 3 බැගින් දවාගනිමින් පන්දුවෙන් දස්කම් දැක්වූහ. 

ශා.සෙබස්තියන් විදුහල - ඕවර 49.5 කදී සියලුදෙනා දැවී 232
(චකිල පෙරේරා 55, දිඳුල පිරීස් 43, සඳුන් ප්‍රනාන්දු 25, නවංජන විජේමාන්න 22, විශල් පෙරේරා 21/2, අභීත අභිනෙත් 46/4)

ලයිසියම් ජාත්‍යන්තර පාසල - ඕවර 42.5 කදී සියලුදෙනා දැවී 196
(ශෙනන් යෙනුක 79, සමිඳු නිලූශ 20, දිඳුල පිරීස් 43/3, අශේන් ප්‍රනාන්දු 40/3, කළණ සංදීප් 34/3)