පන්දු යවන්නෝ සා.තෝමස් විදුහලට ජය ගෙනෙති

‘සිංගර් කුසලාන’ වයස 17 න් පහළ ක්‍රිකට් තරගාවලියේ I කොටසේ දෙවැනි වටයේ තරගයකදී කොළඹ මහනාම විදුහලට එරෙහිව කඩුලු 9 ක ජයක් හිමිකර ගැනීමට ගල්කිස්ස සාන්ත තෝමස් විදුහල සමත්විය. මෙම තරගය ගල්කිස්ස සාන්ත තෝමස් විදුහල් ක්‍රීඩාංගණයේදී පැවැත්විණි.

මොහොමඞ් ඉශ්රාක් ලකුණු 07 කට කඩුලු 2 ක්ද ශලින් ද සිල්වා ලකුණු 10 කට කඩුලු 2 ක් සහ, ශමිල්ක වික්‍රමතිලක ලකුණු 35 කට කඩුලු 2 ක් දවාගනිමින් මහනාම විදුහල් කණ්ඩායම අඩු ලකුණු සංඛ්‍යාවකට සීමාකිරීමට සමත්වූහ.

ගල්කිස්ස සාන්ත තෝමස් විදුහල වෙනුවෙන් පිත්තෙන් දස්කම් දැක්වූ මනීෂ රූපසිංහ නොදැවී ලකුණු 53 ක් රැස්කරමින් සිය පාසල ජයග්‍රහණය කරා රැගෙන ගියේය.

මහනාම විදුහල - ඕවර 25.5 කදී සියලුදෙනා දැවී ලකුණු 78
(චාමිකර පිරීස් නොදැවී 23, මොහොමඞ් ඉශ්රාක් 07/2, ශලින් ද සිල්වා 10/2, ශමිල්ක වික්‍රමතිලක 35/2)

සා.තෝමස් විදුහල - ඕවර 12 කදී කඩුල්ලක් දැවී ලකුණු 79
(මනීෂ රූපසිංහ නොදැවී 53)