ශ්‍රී ලංකාව සහ පාකිස්තානය අතර හෙට (14 වැනිදා) පැවැත්වෙන ආසියානු කුසලාන තරගයෙන් ඉවත් වීමට වේග පන්දු යවන ක්‍රීඩක නසීම් ෂාට සිදුවී තිබේ. ඔහුගේ ස්ථානය පාකිස්තානු සුපිරි ලීග් තරගාවලියේ දස්කම් දැක්වූ සමාන් ඛාන්ට හිමිවී ඇති අතර පාකිස්තානු කණ්ඩායමේ වෙනස්කම් 5 ක් සිදුවනු ඇතැයි වාර්තා වේ.
ශ්‍රී ලංකාව සහ පාකිස්තානය අතර හෙට පැවැත්වෙන ආසියානු කුසලාන තරගය අවසන් පූර්ව තරගයක ස්වරූපය ගෙන තිබේ. මෙම තරගයෙන් ජයගන්නා කණ්ඩායම ඉන්දියාවට එරෙහිව ආසියානු කුසලාන අවසන් මහ තරගයේදී ක්‍රීඩා කරනු ඇත.
මොහොමඩ් හාරිස්, සවුද් ශකීල්, මොහොමඩ් නවාස්, මොහොමඩ් වසිම් සහ සමාන් ඛාන් පාකිස්තානු පිලට එක්වන අතර නසීම් ශා, හාරිස් රවුෆ්, ෆාහිම් අෂ්රෆ්, අඝා ෂල්මාන් සහ ෆකර් සමාන් කණ්ඩායමෙන් ඉවත් කෙරෙනු ඇත.
නසීම් ෂා මෙන්ම හාරිස් රවුෆ් දෙදෙනාම ඉන්දියාවට එරෙහිව පැවැති තරගයේදී ආබාධ වලට ලක්ව සිටිති. මෙම තරගය සඳහාම සමාන් ඛාන් පාකිස්තානයේ සිට කොළඹට පියාසර කළේය.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
