බ්‍රිතාන්‍ය පාසලට දැවැන්ත ජයක්

‘සිංගර් කුසලාන’ වයස 17 න් පහළ සීමිත ඕවර ක්‍රිකට් තරගාවලියේ III කොටසේ තරගයකදී කොළඹ හින්දු විද්‍යාලයට එරෙහිව ලකුණු 155 විශිෂ්ට ජයක් ලැබීමට කොළඹ බ්‍රිතාන්‍ය පාසල පෙරේදා  (20) සමත් විය. මෙම තරගය කොළඹ ශාලිකා ක්‍රීඩාංගණයේදී පැවැත්විණි. 

බ්‍රිතාන්‍ය පාසල වෙනුවෙන් දක්ෂ පිතිහරඹයක නිරත වූ ප්‍රද්‍යුන් සිකියා (120) සහ රාහුල් රදේෂ් (102) ශතක ලබාගනිමින් බ්‍රිතාන්‍ය පාසලේ ජයග්‍රහණයට දායකත්වය ලබාදුන්හ. 

බ්‍රිතාන්‍ය පාසල - ඕවර 50 අවසානයේ කඩුලු 8කට ලකුණු 333 
(ප්‍රද්‍යුන් සිකියා 120, රාහුල් රදේෂ් 102, සල්මන් අක්බර් අලී 24, කේ. රාහුල් 34/3, ආර්. ශදේෂන් 49/2) 

හින්දු විද්‍යාලය - ඕවර 50 අවසානයේ කඩුලු 9කට ලකුණු 178 
(ආර්. ශෙවාග් 68, කාවින්ද සුබසිංහ 32/4, ඩිල්ෂාන් ප්‍රේමරත්න 16/3)