(දමින්ද විජේසූරිය)
ශ්‍රී ලංකා කණ්ඩායමේ එංගලන්ත සංචාරයේදී උපදේශකවරයකු ලෙසින්, එංගලන්යේ හිටපු ටෙස්ට් පිතිකරු, ඉයන් බෙල්ගේ සේවය ලබාගනීමට ශ්‍රී ලංකා ක්‍රිකට් ආයතනය තීරණය කර තිබේ. වත්මන් පුහුණුකරු සනත් ජයසූරියගේ නිර්දේශය මත ඉයන් බෙල් ශ්‍රී ලංකා කණ්ඩායමේ සහාය කාර්ය මණ්ඩලයට එක්වනු ඇත.
“මේක මේ සංචාරයට විතරයි”
“දැන් ක්‍රිකට් ඉස්සර වගේ නෙමෙයි.... එක එක අංශයට විශේෂඥයන් ඕනෑ වෙනවා.. ඒත් මේ පත්වීම මේ මාසේ 16 වැනිදා ඉඳලා එංගලන්ත සංචාරය ඉවර වෙනකම් විතරයි” යයි ශ්‍රී ලංකා ක්‍රිකට් ආයතනයේ උසස්ම නිලධාරියෙක් පැවසීය.
ඉයන් බෙල් එංගලන්ත ටෙස්ට් පිලේ හිටපු පිතිකරුවකු වන අතර එංගලන්ත ප්‍රාන්ත තරගාවලියේ හිටපු ශූරතම පිතිකරුවකු ලෙසින් නමක් දිනා තිබේ. මිඞ්ල්සෙක්ස් ප්‍රාන්ත කණ්ඩායම නියෝජනය කළ ඉයන් බෙල් පළමු පෙළ ලකුණු 20,440 ක හිමිකරුවකු වන බැවින් එංගලන්තයේ ක්‍රීඩාංගණ සම්බන්ධයෙන් ඔහු සතුව පරිණත දැනුමක් තිබේ.
ක්‍රිකට් ක්‍රීඩාවෙන් සමුගැනීමෙන් පසුව පුහුණුකරුවකු ලෙසින් කටයුතු කඵ ඉයන් බෙල්, එංගලන්ත යොවුන් පිලේ පුහුණුකරුවකු ලෙසින් ද කටයුතු කළේය.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
