ලෝචන - දේවින්ද මහරගම ජනාධිපතියට ජය ගෙනෙති

‘සිංගර් කුසලාන’ වයස 17 න් පහළ ක්‍රිකට් තරගාවලියේ III කොටසේ දෙවැනි වටයේ තරගයකදී වත්තල ශාන්ත ජෝසප් විදුහලට එරෙහිව ලකුණු 131 ක ජයක් හිමිකර ගැනීමට මහරගම ජනාධිපති විදුහල පෙරේදා (14 වැනිදා) සමත්විය. මෙම තරගය පාදුක්ක පෝරගෙදර ක්‍රීඩාංගණයේදී පැවැත්විණි.

ලෝචන රවිහංස සහ දේවින්ද ඒකනායක කඩුලු 3 බැගින් දවාගනිමින් මහරගම ජනාධිපති විදුහල ජයග්‍රහණය කරා රැගෙන යාමට සමත්වූහ.

ජනාධිපති විදුහල - ඕවර 35.4 කදී සියලුදෙනා දැවී 184
(දේවින්ද ඒකනායක 42, දෙනුක සංජන 35, ජනීෂ සිල්වා 10/3, ආලෝක මදුශාන් 27/3)

ශා.ජෝසප් විදුහල - ඕවර 14.5 කදී සියලුදෙනා දැවී 53
(ලෝචන රවිහංස 13/3, දේවින්ද ඒකනායක 22/3)