ලංකා ප්‍රිමියර් ලීග් තරගාවලියේදී ජැෆ්නා කිංග්ස් කණ්ඩායමට ක්‍රීඩා කළ යොවුන් ක්‍රීඩක විජයකාන්ත් වියස්කාන්ත්ට එළඹෙන බංග්ලාදේශ ප්‍රිමියර් ලීග් තරගාවලියට ක්‍රීඩා කිරීමේ අවස්ථාව උදාවී තිබේ. ඔහු විදෙස් ලීගයක් සඳහා සහභාගි වන පළමු අවස්ථාවද මෙය වේ.
මෙවර එල්.පී.එල්. තරගාවලියේ තරග 8 කදී කඩුලු 13 ක් දවාගනිමින් දැක්වූ දස්කම් හේතුවෙන් වියස්කාන්ත්ගේ සේවය තම කණ්ඩායමට ලබාගැනීමට බංග්ලාදේශ ප්‍රිමියර් ලීගයට ක්‍රීඩා කරන චැටෝග්‍රෑම් චැලෙන්ජර්ස් කණ්ඩායම පියවර ගෙන තිබේ.
පිට පිටම තෙවරක් එල්.පී.එල්. තරගාවලියේ ශූරතාව දිනූ යාපනය කිංග්ස් කණ්ඩායමේ සාමාජිකයකු වූ වියස්කාන්ත්, මෙම වසරේදී (2022) පැවැති තරගාවලියේදී දැක්වූ කැපී පෙනෙන දස්කම් හේතුවෙන් තරගාවලියේ නැඟී එන ක්‍රීඩකයා ලෙසද සම්මාන ලැබීය.
කණ්ඩායම් 7 ක සහභාගීත්වයෙන් ලබන වසරේ (2023) ජනවාරි මස 6 වැනිදා සිට පෙබරවාරි මස 16 වැනිදා දක්වා පැවැත්වන බංග්ලාදේශ ප්‍රිමියර් ලීගයට මූලික වටයේ තරග 42 ක් සහ අවසන් වටයේ තරග 4 ක් ඇතුළත් වේ.
-036
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
