Last Update  :  2025-04-04 12:58:00 About Contact
Follow Us -
IMG-LOGO
නිවස්න පිටුව Cricket විලියම්සන් වි-20 තරගාවලිය මඟහරී

විලියම්සන් වි-20 තරගාවලිය මඟහරී

editorial - 2021 නොවැ මස 16 {{hitsCtrl.values.hits}} Views 0 Comment
A A A

නවසීලන්තය සහ ඉන්දියාව අතර හෙට (17-බදාදා) ආරම්භ වන තරග 3 කින් සමන්විත විස්සයි-20 තරගාවලියෙන් ඉවත්වීමට නවසීලන්ත නායක කේන් විලියම්සන් තීරණය කර තිබේ. ඉන්දියාවටම එරෙහිව පැවැත්වෙන ටෙස්ට් තරගාවලිය සඳහා වැඩි අවධානයක් යොමු කිරීමේ අටියෙන් විලියම්සන් විස්සයි-20 තරගාවලිය මඟහැර තිබේ. 

ඒ අනුව හෙට සිට ආරම්භ වන විස්සයි-20 තරගාවලියේදී නවසීලන්ත කණ්ඩායමේ නායකත්වය වේග පන්දු යවන්නා වන ටිම් සවුතිට හිමිවනු ඇත. ඉන්දියාව සහ නවසීලන්තය අතර පළමු වැනි විස්සයි-20 තරගය හෙට ජායිපූර් නුවරදී පැවැත්වෙයි. 

විලියම්සන් නවසීලන්ත කණ්ඩායම සමගින් ජායිපූර් නුවර බලා පැමිණ ඇතත්, ඔහු රතු පන්දුවෙන් පුහුණුවීම් කරන ටෙස්ට් කණ්ඩායම සමගින් එක්වනු ඇත. 

ඉන්දියාව සහ නවසීලන්තය අතර පැවැත්වෙන විස්සයි-20 තරග තුන මෙ මස 17(බදාදා), 20(සෙනසුරාදා) සහ 21(ඉරිදා) පිළිවෙලින් ජායිපූර්, රංචි සහ කොල්කටා යන නගර වලදී පැවැත්වේ. 

කණ්ඩායම දීර්ඝ කාලයක් තිස්සේ ජෛව ආරක්‍ෂක බුබුළු තුළ සිටීමත් මෙම තරග සැලැස්මත් ඉතාමත් අසීරු එකක් බව ටිම් සවුති කියයි. 

“තරග 3 ක් තියෙන්නේ දවස් 5 ක් ඇතුළත. ඉතිරි දවස් වල තැනින් තැනට යන්නට වෙනවා.. එයින් දවස් දෙකකට පස්සේ ටෙස්ට් තරගාවලියක් තියෙනවා... ඒත් මේක අපට පාලනය කළ හැකි දෙයක් නොවේ” යයි ටිම් සවුති මාධ්‍ය හමුවකදී පැවසීය. 

දෙපිල අතර පළමු ටෙස්ට් තරගය මේ මස 25 වැනිදා කාන්පූර්හිදී ආරම්භ වෙයි. දෙවැනි ටෙස්ට් තරගය දෙසැම්බර් 3 වැනිදා මුම්බායි නුවරදී ආරම්භ වීමට නියමිතය. 

ඉන්දීය නායක විරාට් කෝලිද මෙම විස්සයි-20 තරගාවලියට සහභාගි නොවෙයි. 

නවසීලන්ත සංචිතය 

ටිම් සවුති (නායක), ටොඩ් ඇස්ට්ල්, ටේ‍රන්ට් බෝල්ට්, මාක් චැප්මන්, ලොකී ෆර්ගසන්, මාටින් ගප්ටිල්, කයිල් ජැමීසන්, ඇඩම් මිල්න්, ඩැරිල් මිචෙල්, ජේම්ස් නීෂම්, ග්ලෙන් පිලිප්ස්, මිචෙල් සෑන්ට්නර්, ටිම් සේෆර්ට් සහ ඉෂ් සෝධි

- 213


අදහස් (0)

විලියම්සන් වි-20 තරගාවලිය මඟහරී

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.