වේල්ස් කුමර විදුහල් ‘බී’ පිලත් ඉදිරියට

අන්තර් පාසල් වයස 13 න් පහළ ‘සිංගර් කුසලාන’ කි‍්‍රකට් තරගාවලියේ II වැනි කාණ්ඩයේ අවසන් පූර්ව වටයට සුදුසුකම් ලබාගැනීමට මොරටුව වේල්ස් කුමර විදුහල් ‘බී’ කණ්ඩායම ඊයේ (8 වැනිදා) සමත් විය.

බෝපිටියේදී පැවැති අර්ධ අවසන් පූර්ව වටයේ තරගයකදී කොච්චිකඬේ ලොයෙලා විදුහලට එරෙහිව පළමු ඉනිමේ ජයක් වාර්තා කරමින් වේල්ස් කුමර විදුහල් ‘බී’ කණ්ඩායම අවසන් පූර්ව වටයට සුදුසුකම් ලබාගත්තේය.

එහිදී වේල්ස් කුමර විදුහල් ‘බී’ කණ්ඩායම වෙනුවෙන් ශතකයක් ලබාගැනීමට ඔමේෂ් මෙන්ඩිස් (නොදැවී 100) සමත් විය.

ලොයෙලා විදුහල පළමු ඉනිම -  ඕවර 39.2 කදී සියලූ දෙනා දැවී 65
(නෙත්ම හිමරංග 20, යසිඳු ඉමේෂ් 28/5, මෙසිත් ද සිල්වා 5/4)

වේල්ස් කුමර විදුහල් ‘බී’ කණ්ඩායම පළමු ඉනිම -  ඕවර 33 කදී කඩුල්ලක් දැවී 150  
(ඔමේෂ් මෙන්ඩිස් නොදැවී 100)