ශමිල්ක තෝමසුවන්ට ජය ගෙනෙයි

‘සිංගර් කුසලාන’ වයස 17 න් පහළ ක්‍රිකට් තරගාවලියේ I කොටසේ දෙවැනි වටයේ තරගයකදී කොළඹ ආනන්ද විදුහලට එරෙහිව ලකුණු 81 ක ජයක් හිමිකර ගැනීමට ගල්කිස්ස සාන්ත තෝමස් විදුහල ඊයේ (6 වැනිදා) සමත්විය. මෙම තරගය කොළඹ ආනන්ද විදුහල් ක්‍රීඩාංගණයේදී පැවැත්විණි.

ශමිල්ක වික්‍රමතිලක ලකුණු 31 කට කඩුලු 5 ක් දවාගනිමින් සාන්ත තෝමස් විදුහල වෙනුවෙන් පන්දුවෙන් දස්කම් දැක්වූ අතර උමයංග සුවාරිස් (59) අර්ධ ශතකයක් ලබාගනිමින් පිත්තෙන් දස්කම් දැක්වීය.

සා.තෝමස් විදුහල - ඕවර 50 කදී කඩුලු 8 ක් දැවී 286
(උමයංග සුවාරිස් 59, කිෂාන් මුණසිංහ 46, ඩියෝන් ප්‍රනාන්දු 34, මොහොමඞ් ඉෂාක් නොදැවී 32, රවිඳු ද සිල්වා 27, අතීෂ පෙරේරා 51/3)

ආනන්ද විදුහල - ඕවර 42.3 කදී සියලුදෙනා දැවී 205
(සෙනෙර කුඩාගම 57, කණිෂ්ක රංතිලකගේ  49, ජනිඳු ජයවර්ධන 21, ශමිල්ක වික්‍රමතිලක 31/5, දිල්මින් රත්නායක 41/2)