ආසියාවේ නැගී එන කාන්තා කණ්ඩායම් අතර හොං කොං හිදී පැවැත්වෙන විස්සයි-20 තරගාවලියේ ශ්‍රී ලංකාව සහ බංග්ලාදේශය අතර අද (14 වැනිදා) පැවැති තරගය, වර්ෂාව හේතුවෙන් එකම පන්දුවක් හෝ නොයවා අතහැර දමන ලදි. තරගයේ ප්‍රසාද ලකුණු කණ්ඩායම් දෙකට සමසේ බෙදී ගියේය.
පළමු තරගයේදී එක්සත් අරාබි එමීර් රාජ්‍යය පරදවා කඩුලු 3 ක පහසු ජයක් අත්කර ගත් ශ්‍රී ලංකාව මෙම තරගාවලියේදී ‘බී’ කාණ්ඩයෙන් තරග වදී. ‘බී’ කාණ්ඩයේදී තරගයක් ජයගෙන අනෙක් තරගය විසඳුමකින් තොරව අවසන් කරගත් ශ්‍රී ලංකා සහ බංග්ලාදේශ කාන්තා කණ්ඩායම් ප්‍රසාද ලකුණු 3 ක් බැගින් හිමිකරගනිමින් ප්‍රසාද ලකුණු පුවරුවේ ඉදිරියෙන් සිටිති.
‘බී’ කාණ්ඩයේ මුල් ස්ථානය සඳහා තීරණාත්මක තරගය වූ බංග්ලාදේශය සහ ශ්‍රී ලංකාව අතර පැවැති තරගය වර්ෂාවට සේදී යාම හේතුවෙන් කාණ්ඩයේ පෙරමුණ ගැනීම සඳහා වඩා හොඳ ශුද්ධ ලකුණු වේගයක් පවත්වාගෙන යා යුතුය. මේ වන විට 4.850 ක ශුද්ධ ලකුණු වේගයක් හිමි බංග්ලාදේශය ශ්‍රී ලංකාවට (0.090) ට වඩා ඉදිරියෙන් සිටී.
- 213
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
